ஓமந்தூரார் அரசு மருத்துவமனையில் விரைவில் அம்மா உணவகம் சென்னை மாநகராட்சி திட்டம்

<p><strong>ஓமந்தூரார் அரசு மருத்துவமனையில் விரைவில் அம்மா உணவகம்</strong></p><p><strong>சென்னை மாநகராட்சி திட்டம்</strong></p><p>சென்னை, செப். 28-சென்னை ஓமந்தூரார் அரசுபன்நோக்கு உயர்சிறப்பு மருத்துவமனையில் குறைந்த விலையில் தரமான உணவு வழங்கும் வகையில் புதிய‘அம்மா உணவகம்’ அமைக்க சென்னை மாநகராட்சி திட்டமிட்டுள்ளது.</p><p>மருத்துவமனைக்கு வரும் நோயாளிகள் மற்றும் அவர்களுடன்இருப்பவர்களுக்கு குறைந்த விலையில் உணவு கிடைக்க வேண்டும் என்ற கோரிக்கையை ஏற்று இந்த நடவடிக்கை எடுக்கப்பட்டுள்ளது. இது தொடர்பாக சமூக ஆர்வலர்கள் சார்பில்ஆன்லைன் மூலமாகவும் முதலமைச்சருக்குக் கோரிக்கைகள் விடுக்கப்பட்டிருந்தன.</p><p>இதையடுத்து, மருத்துவமனை வளாகத்தில் வெளிநோயாளர் (OP) நுழைவாயில் அருகில் உள்ள டவர்-7 பகுதி அம்மா உணவகம் அமைக்கத் தேர்வு செய்யப்பட்டுள்ளது. இந்த உணவகத்தில் இட்லி ரூ.1-க்கும்; பொங்கல், சாம்பார் சாதம், எலுமிச்சை சாதம், கறிவேப்பிலை சாதம் ஆகியவை தலா ரூ.5-க்கும்; தயிர் சாதம் மற்றும் இரண்டு சப்பாத்தி தால் ஜோடிரூ.3-க்கும் விற்பனைசெய்யப்படவுள்ளது.இந்தத் திட்டத்திற்காகத் தேவையான கட்டடப் பணிகள் மற்றும் அரசுஅனுமதி கோரும் பணிகள் நடைபெற்று வருவதாகவும், மகளிர் சுயஉதவிக் குழுவைச் சேர்ந்த 6 பேர் பணியமர்த்தப்பட உள்ளதாகவும் மாநகராட்சி அதிகாரிகள் தெரிவித்துள்ளனர்.</p>