அதிமுகவில் உட்கட்சி மோதல் உச்சம் அடைந்தது எடப்பாடிக்கு எதிராக எஸ்.பி. வேலுமணி போர்க்கொடி

<p><strong>அதிமுகவில் உட்கட்சி மோதல் உச்சம் அடைந்தது எடப்பாடிக்கு எதிராக எஸ்.பி. வேலுமணி போர்க்கொடி</strong></p><p>சென்னை: அதிமுக சட்டமன்றக் கட்சித் தலைவர் பதவியை முன்வைத்து, அக்கட்சிக்குள் கடும் அதிகாரப் போட்டி வெடித்துள்ளது. </p><p> முன்னாள் முதலமைச்சரும், கட்சியின் பொதுச் செயலாள ருமான எடப்பாடி பழனிசாமிக்கு எதிராக முன்னாள் அமைச்சர் எஸ்.பி. வேலுமணி தலைமையில் பெரும்பாலான எம்.எல்.ஏ.க்கள் அணிதிரண்டிருப்பது அதிமுகவுக்குள் பெரும் பரபரப்பை ஏற்படுத்தியுள்ளது. </p><p>அதிமுகவில் மொத்தம் உள்ள 47 சட்டமன்ற உறுப்பி னர்களில், எஸ்.பி. வேலுமணியை சட்டமன்றக் கட்சித் தலைவ ராக தேர்வு செய்ய வேண்டும் என வலியுறுத்தி 30 எம்எல்ஏ க்கள் கையெழுத்திட்ட ஆதரவுக் கடிதம் தற்காலிக சபாநாயகர் எம்.வி. கருப்பையாவிடம் வழங்கப்பட்டுள்ளது. </p><p>முன்னாள் அமைச்சர் சி.வி. சண்முகம் தலைமையில் எம்.எல்.ஏ.க்கள் சென்னை தலைமைச் செயலகத்திற்கு நேரில் சென்று அந்தக் கடிதத்தை ஒப்படைத்துள்ளனர்.</p><p> இதற்கு முன்பாக, எடப்பாடி பழனிசாமிக்கு ஆதரவாக 17 எம்.எல்.ஏ.க்கள் தனியாக ஆதரவுக் கடிதம் அளித்திருந்த நிலையில், அதிமுக சட்டமன்றக் கட்சித் தலைவர் பதவிக்காக எடப்பாடி பழனிசாமி மற்றும் எஸ்.பி. வேலுமணி இடையே நேரடி மோதல் உருவாகியுள்ளது. </p><p>சட்டமன்ற எதிர்க்கட்சித் தலைவர் யார் என்பதையும் தீர்மா னிக்கும் முக்கியத்துவம் கொண்ட இந்தப் பதவியை கைப்பற்ற இரு தரப்பினரும் தீவிர முயற்சியில் ஈடுபட்டு வருகின்றனர். </p><p>செவ்வாய்க்கிழமை (மே 12) அன்று நடைபெற உள்ள சபாநா யகர் தேர்தலுக்கு முன்னதாக ஏற்பட்டுள்ள இந்த உட்கட்சிப் பிரச்சினை, அதிமுக அரசியலில் புதிய திருப்பத்தை ஏற்படுத்தி யுள்ளது. </p><p>இதுகுறித்து செய்தியாளர்கள் எழுப்பிய கேள்விகளுக்கு பதிலளிக்க மறுத்த முன்னாள் அமைச்சர் சி.வி. சண்முகம், “இதுவரை காத்திருந்தீர்கள், இன்னும் கொஞ்ச நேரம் பொறுத்திருங்கள்; அனைத்தும் விரைவில் தெளிவாகும்,” என்று மட்டும் தெரிவித்துவிட்டு அங்கிருந்து புறப்பட்டுச் சென்றார்.</p>