திருப்பூரில் பறந்த  கற்பனைக் குதிரை!  

<p><strong>திருப்பூரில் பறந்த &nbsp;கற்பனைக் குதிரை! &nbsp;</strong></p> <p>தேர்தல் களம் என்றாலே வாக்குறுதிகள் பறக்கும். ஆனால், திருப்பூரில் நாம் தமிழர் கட்சி ஒருங்கிணைப்பாளர் சீமான் அள்ளி வீசிய வாக்குறுதிகளைப் பார்த்தால், அவரே ஒரு தனி நாட்டின் &lsquo;ஜனாதிபதி&rsquo; ஆகிவிட்டது போன்ற ஒரு பிரமையில் பேசுவது போல் இருந்ததாகப் பொதுமக்கள் கலகலவெனச் சிரிக்கிறார்கள்.</p> <p>கூட்டம் குறைவு... குசும்பு அதிகம்! கடந்த 2021 சட்டமன்றத் தேர்தலின் போது இதே திருப்பூர் யூனியன் மில் சாலையில் கூடிய கூட்டத்தில், இந்த முறை நாலில் ஒரு பங்கு கூட இல்லை. ஆனாலும் சீமானின் &lsquo;வீர வசனங்களுக்கு&rsquo; மட்டும் பஞ்சமில்லை. இரவு 9 மணிக்கு மேடைக்கு வந்தவர், தான் ஆட்சிக்கு வந்தால் என்னென்ன செய்வேன் என்று எல்.இ.டி (LED) திரையில் சினிமா காண்பிப்பது போல விளக்கம் அளித்தார்.</p> <p>எல்லோரும் முதலாளிகள்... &nbsp;யாரும் தொழிலாளிகள் இல்லை! &ldquo;என் ஆட்சியில் எல்லோரும் முதலாளிகளாக இருப்பார்கள், யாரும் யாரிடமும் கையேந்த மாட்டார்கள்&rdquo; என்று சீமான் முழங்கியபோது, அங்கிருந்த தொழிலாளர்கள் ஒருவரை ஒருவர் பார்த்துக் கொண்டார்கள். எல்லோரும் முதலாளி என்றால் அப்புறம் யார் வேலை செய்வது என்ற அடிப்படை லாஜிக் கூட இல்லாமல் சீமான் தனது கற்பனைக் குதிரையைப் பறக்கவிட்டார். &bull;&nbsp;&nbsp; &nbsp;முதல் கையெழுத்து: முதலமைச்சராகப் பதவி யேற்பது (அது சரி, பதவி ஏற்காமலா கையெழுத்து போடுவாங்க?). &bull;&nbsp;&nbsp; &nbsp;இரண்டாவது கையெழுத்து: ஆகச்சிறந்த கல்விக்குச் சட்டம். &bull;அதிசய வைப்பகம்: &lsquo;தமிழ் தேசிய வைப்பகம்&rsquo; (Bank) அமைத்து மிகக் குறைந்த வட்டியில் கடன் கொடுப்பாராம். இது எப்படியிருக்கிறது என்றால், ஒரு திரைப்படத்தில் நடிகர் வடிவேலு, &ldquo;கேளு.. கேளு.. அண்ணன்கிட்ட தாராளமா கேளு&rdquo; என்று அள்ளி விடுவாரே, அந்த காமெடிதான் பலருக்கும் நினைவுக்கு வந்தது.</p> <p>சைக்கிள் பயணம்... சவாலான பேச்சு! முதலமைச்சர் முதல் அனைவரும் மிதிவண்டியில்தான் பயணம் செய்ய வேண்டும் என்றும், தமிழில் படித்தால் மட்டுமே அரசு வேலை என்றும் அடுக்கடுக்கான அதிரடிகளைக் கிளப்பினார். இரவு 10 மணி தாண்டியும் பேச்சைத் தொடர்ந்தவர், &ldquo;ஏற்கெனவே என் மீது 262 வழக்குகள் உள்ளன, இது மற்றுமொரு வழக்காக இருக்கட்டும்&rdquo; என்று சவால் விட்டு 10.20 மணி வரை மைக்கை விடாமல் பேசினார்.</p> <p>கனவு காணுங்கள்... ஆனால் இப்படியா? மக்களின் அடிப்படைப் பிரச்சனைகளான விலைவாசி உயர்வு, வேலைவாய்ப்பின்மை பற்றிப் பேசுவதை விட்டுவிட்டு, &lsquo;தமிழ் தேசிய வைப்பகம்&rsquo;, &lsquo;தேசிய &nbsp;இன கூட்டு முதலாளிகள்&rsquo; எனச் சீமான் பேசுவது நிஜ &nbsp;உலகிற்கும் அவருக்கும் சம்பந்தமே இல்லை என்பதைக் காட்டுகிறது.</p>