நெய்வாசல் ஜல்லிக்கட்டில் 9 பேர் காயம்

<p><strong>நெய்வாசல் ஜல்லிக்கட்டில் 9 பேர் காயம்</strong></p> <p>புதுக்கோட்டை, பிப்.17- &nbsp;திருமயம் அருகேயுள்ள நெய்வாசலில் செவ்வாய்க்கிழமை நடைபெற்ற ஜல்லிக்கட்டு போட்டியில், 9 பேர் காயமடைந்தனர். புதுக்கோட்டை மாவட்டம் திருமயம் அருகே நெய்வாசல் கிராமத்தில் உள்ள திட்டாணி அய்யனார்கோவில் சிவராத்திரி திருவிழாவையொட்டி, ஜல்லிக்கட்டுப் போட்டி செவ்வாய்க்கிழமை நடைபெற்றது. &nbsp;இந்தப் போட்டியில், புதுக்கோட்டை, இராமநாதபுரம், சிவகங்கை, தஞ்சாவூர் மாவட்டங்களைச் சேர்ந்த 139 காளைகள் பங்கேற்றன. நெய்வாசல் மற்றும் சுற்றுவட்டார கிராமங்களைச் சேர்ந்த 64 மாடுபிடி வீரர்கள் காளைகளைத் தழுவ முயற்சித்தனர். &nbsp;புதுக்கோட்டை வருவாய்க் கோட்டாட்சியர் பா. ஐஸ்வர்யா தொடங்கி வைத்தார். முன்னாள் சட்டப்பேரவை உறுப்பினர்கள் ராமசுப்புராம், பி.கே. வைரமுத்து உள்ளிட்டோர் பங்கேற்றனர். இந்தப் போட்டியி்ல், 4 மாடுபிடி வீரர்களும், 5 பார்வையாளர்களும் என மொத்தம் 9 பேர் காயமடைந்தனர். இவர்களில் ஒருவர் புதுக்கோட்டை மாவட்ட அரசு மருத்துவக் கல்லூரி மருத்துவமனையில் மேல் சிகிச்சைக்காக அனுப்பி வைக்கப்பட்டார். மற்ற 8 பேருக்கும் ஜல்லிக்கட்டு வளாகத்தில் அமைக்கப்பட்டிருந்த மருத்துவ முகாமில் முதலுதவி சிகிச்சை அளிக்கப்பட்டது. திருமயம் காவல்துறையினர் பாதுகாப்புப் பணிகளை மேற்கொண்டனர்.</p>