5 மாநிலத் தேர்தல்: 104 முஸ்லிம் எம்.எல்.ஏக்கள் தேர்வு முஸ்லிம் வேட்பாளர்களை நிறுத்தாத பாஜக

<p><strong>5 மாநிலத் தேர்தல்: 104 முஸ்லிம் எம்.எல்.ஏக்கள் தேர்வு முஸ்லிம் வேட்பாளர்களை நிறுத்தாத பாஜக</strong></p><p>புதுதில்லி அசாம், மேற்கு வங்கம், தமிழ்நாடு, கேரளா, புதுச்சேரி ஆகிய மாநிலங்களில் சமீபத்தில் நடந்து முடிந்த சட்டசபைத் தேர்தல்களில் மொத்தம் 723 எம்.எல்.ஏ-க்கள் தேர்ந்தெடுக்கப்பட்டுள்ளனர். </p><p>இதில் 104 பேர் (சுமார் 14.36%) முஸ்லிம் மதத்தைச் சேர்ந்தவர்கள். ஆனால், நாட்டின் மிகப்பெரிய கட்சியான பாஜக சார்பில் ஒரு முஸ்லிம் வேட்பாளர் கூட வெற்றி பெற வில்லை என்பது குறிப்பிடத்தக்கது.<strong> </strong></p><p><strong>மே.வங்கத்தில் 40</strong> </p><p>மேற்கு வங்கத்தில் மொத்தமுள்ள 293 இடங்களில் 40 முஸ்லிம் எம்.எல்.ஏ-க்கள் தேர்வா கியுள்ளனர். இதில் திரிணாமுல் காங்கிரசில் இருந்து 34, காங்கிரஸில் இருந்து 2, இந்திய மதச்சார்பற்ற முன்னணி 1, சிபிஎம் இல் இருந்து 1 இஸ்லாமிய எம்எல்ஏ ஆகியோர் வெற்றி பெற்றுள்ளனர். அம்மாநிலத்தில் பா.ஜ.க ஆட்சியைப் பிடித்தாலும், அக்கட்சியில் முஸ்லிம் எம்எல்ஏ-க்கள் யாரும் இல்லை. கேரள தேர்தலில் மொத்தம் 35 முஸ்லிம் எம்.எல்.ஏ-க்கள் வெற்றி பெற்றுள்ளனர். முஸ்லிம் லீக்கில் இருந்து 22, காங்கிரஸில் 8 பேர் வென்றுள்ளனர். <strong> </strong></p><p><strong>அசாமில் 22 </strong></p><p>2011-ஆம் ஆண்டின் மக்கள் தொகை கணக்கெடுப்பின்படி, சுமார் 34 சதவிகிதம் முஸ்லிம் மக்கள் தொகையைக் கொண்ட அசாம் மாநிலத்தில் மொத்தமுள்ள 126 இடங்களில் 22 முஸ்லிம் எம்.எல்.ஏ-க்கள் தேர்வாகியுள்ளனர். இவர்களில் 18 பேர் காங்கிரஸ் கட்சியைச் சேர்ந்தவர்கள். மீதமுள்ளவர்கள் ரைஜோர் தள்-1, திரிணா முல்-1 மற்றும் அகில இந்திய ஐக்கிய ஜனநாயக முன்னணி-2 பேர். 2023-ஆம் ஆண்டில் அம்மாநிலத்தில் மேற்கொள்ளப்பட்ட தொகுதி மறுவரையறைப் பணியில் முஸ்லிம் பெரும்பான்மைத் தொகுதிகளின் எண்ணிக்கையை 35-லிருந்து 22-ஆகக் குறைக்கப்பட்டது குறிப்பிடத்தக்கது. தமிழ்நாட்டில் 234 எம்.எல்.ஏ-க்களில் 7 பேர் முஸ்லிம்கள். அதில் தி.மு.க - 3, முஸ்லிம் லீக் - 2, காங்கிரஸ் - 1, த.வெ.க - 1 என்ற அளவில் வென்றுள்ளனர். புதுச்சேரியில் ஒரு முஸ்லிம் எம்.எல்.ஏ கூட தேர்ந்தெடுக்கப்பட வில்லை.<strong> </strong></p><p><strong>பாஜகவின் நிலைப்பாடு</strong> </p><p> பாஜக எங்குமே ஒரு முஸ்லிம் வேட்பாள ரைக் கூட நிறுத்தவில்லை. ஜனநாயகத்தில் அனைத்து சமூகத்தினருக்கும் உரிய பிரதி நிதித்துவம் கிடைப்பது அவசியம். ஆனால், சமீபகாலமாக பாஜகவின் மதவாத அரசியல் காரணமாக முஸ்லிம் எம்.பி மற்றும் எம்.எல்.ஏ-க்களின் எண்ணிக்கை குறைந்து வருவது மக்கள் பிரதிநிதித்துவ அரசியலில் ஒரு கவ லையை ஏற்படுத்தியுள்ளதாக அரசியல் ஆய்வாளர்கள் கருதுகின்றனர். 2024 மக்கள வைத் தேர்தலிலும் கூட பா.ஜ.க சார்பில் ஒரு முஸ்லிம் எம்.பி கூட தேர்ந்தெடுக்கப்படவில்லை என்பது குறிப்பிடத்தக்கது.</p>