கேரளாவின் ‘லைப் மிஷன்’ திட்டத்தில் 5 லட்சம் வீடுகள் ஒப்படைக்கப்பட்டன

<p><strong>கேரளாவின் &lsquo;லைப் மிஷன்&rsquo; திட்டத்தில் 5 லட்சம் வீடுகள் ஒப்படைக்கப்பட்டன</strong></p> <p><strong>முதலமைச்சர் &nbsp;பினராயி விஜயன் </strong></p> <p>அறிவிப்பு திருவனந்தபுரம், பிப்.24- &lsquo;லைப் மிஷன்&rsquo; என்கிற கேரள அரசின் வீடுகட்டும் திட்டத்தின் மூலம் ஐந்து லட்சம் வீடுகள் கட்டி முடிக்கப்பட்டு பயனாளிகளிடம் ஒப்படைக்கப்பட்டதாக முதலமைச்சர் பினராயி விஜயன் அறிவித்தார். திருவனந்தபுரம் கரகுளம் கிராம பஞ்சாயத்தில் உள்ள கோமளகுமாரியின் வீடு திறப்பு விழாவில் முதலமைச்சர் பினராயி &nbsp;விஜயன் மற்றும் பிற அமைச்சர்கள் செவ்வா யன்று காலை 11 மணிக்கு பங்கேற்றார்கள். அதன் தொடர்ச்சியாக பூஜப்புரா மைதானத்தில் மாலையில் நடைபெற்ற விழாவில், 5 லட்சம் வீடுகள் கட்டி முடிக்கப்பட்டு பயனாளிகளிடம் ஒப்படைக்கப்பட்டதாக பினராயி விஜயன் அறி வித்தார். இதுதொடர்பாக அவர் மேலும் பேசுகையில்,&rdquo;லைப் மிஷன் மூலம் ஒதுக்கப்பட்ட மொத்தம் 6,04,046 வீடுகளில், இதுவரை 5,00,364 வீடுகள் கட்டி முடிக்கப்பட்டுள்ளன. மீத முள்ள 1,03,682 வீடுகள் கட்டுமானத்தின் பல்வேறு கட்டங்களில் உள்ளது. &nbsp;வீடு கட்டுவதற்காக பட்டியல் பழங்குடியினருக்கு ரூ.6 லட்சமும், பொதுப் பிரிவிற்கு ரூ.4 லட்சமும் அரசு வழங்கி வருகிறது&rdquo; என அவர் கூறினார். விழாவிற்கு உள்ளாட்சித் துறை அமைச்சர் எம்.பி. ராஜேஷ் தலைமை வகித்தார். கூட்டத்தில் அமைச்சர்கள் மற்றும் எதிர்க்கட்சித் தலைவர் கலந்து கொண்டனர். திட்டத்தின் வெற்றிக்கு ஒத்துழைத்த தனிநபர்கள் மற்றும் அமைப்புகள் சிறப்பிக்கப்பட்டனர். &lsquo;மனசோடித்திரி மண்&rsquo; &nbsp;(மன நிறைவோடு கொஞ்சம் நிலம்) திட்டத்திற் காக 2.61 ஏக்கர் நிலத்தை நன்கொடையாக வழங்கிய கே. சுகுமாரன் வைத்தியரையும், லைப் &nbsp;மிஷனை ஆதரித்த கே. சிட்டிலப்பிள்ளி அறக் கட்டளை மற்றும் லயன்ஸ் இன்டர்நேஷனல் போன்ற அமைப்புகளையும் முதலமைச்சர் பினராயி விஜயன் &nbsp;சிறப்பு செய்தார்.</p>