27 சீட் போதாது...  எனக்கும் ஒரு சீட் வேணும்!

<p><strong>27 சீட் போதாது... &nbsp;எனக்கும் ஒரு சீட் வேணும்!</strong></p> <p>&ldquo;ஒரு உறையில் ஒரு கத்திதான் இருக்க முடியும்&rdquo; என்பது பழமொழி. ஆனால், கோபிசெட்டிபாளையம் தொகுதியிலோ ஒரு &lsquo;சீட்&rsquo;டுக்குள் இரண்டு பேர் நுழையப் பார்ப்பதுதான் இப்போது ஈரோடு மாவட்டத்தின் ஹாட் டாபிக்! கூட்டணி தர்மமா? குழிதோண்டும் வேலையா? அதிமுக - பாஜக கூட்டணி ஒப்பந்தப்படி, கோபிசெட்டிபாளையம் தொகுதி அதிமுகவிற்கு ஒதுக்கப்பட்டுள்ளது. &ldquo;பங்கு பிரிச்சாச்சு, இனி நிம்மதியாக வேலை பார்ப்போம்&rdquo; என்று அதிமுக வேட்பாளர் வேட்டியை மடித்துக் கட்டிய நேரத்தில், &ldquo;இருங்க... நானும் வருவேன்!&rdquo; என்று பாஜக உறுப்பினர் நாகராஜ சோழன் வேட்புமனுத் தாக்கல் செய்து தேர்தல் களத்தை &lsquo;கலவர&rsquo;ப்படுத்தியுள்ளார். கலிங்கியம் சின்னகுளத்தைச் சேர்ந்த இவர், முன்னாள் பாஜக ஒன்றியத் தலைவர். தற்போது உறுப்பினராக இருக்கும் இவர், மனுத் தாக்கல் செய்துவிட்டு வெளியே வந்து கொடுத்த பேட்டி அமித் ஷாவையே அதிர வைத்திருக்கும். &ldquo;வெறும் 27 சீட் மட்டும் வாங்கினா கட்சி எப்படி வளரும்? அதான் நானும் நிக்கிறேன். கட்சி நடவடிக்கை எடுத்தாலும் கவலை இல்லை&rdquo; என்று &lsquo;ரிபல்&rsquo; அவதாரம் எடுத்துள்ளார். அதிமுகவின் &lsquo;மைண்ட் வாய்ஸ்&rsquo;! நாகராஜ சோழனின் இந்த அதிரடியால், கோபி தொகுதி அதிமுக வேட்பாளர் செம அப்செட். &ldquo;வெளியே எதிரி இருக்காங்களோ இல்லையோ, கூடவே இருந்து குழி பறிக்கிறாங்களே&rdquo; என்பதுதான் ரத்தத்தின் ரத்தங்களின் மைண்ட் வாய்ஸ். கடந்த நாடாளுமன்றத் தேர்தலில் பாஜக இங்கு வாங்கிய 27 ஆயிரம் வாக்குகள் இப்போது யாருக்கு விழும்? தாமரைக்கா, இரட்டை இலைக்கா அல்லது நாகராஜ சோழன் பிரிப்பாரா? என்ற குழப்பத்தில் அதிமுகவினர் தலையைச் சொறிந்து வருகின்றனர்.</p>