உடுமலை பொய் வழக்கிலிருந்து 26 பேர் விடுதலை
1 Dec 2025, 5:20 pm
<p><strong>உடுமலை பொய் வழக்கிலிருந்து 26 பேர் விடுதலை</strong></p>
<p>திருப்பூர், டிச.1 – உடுமலைபேட்டை அனைத்து மகளிர் காவல் நிலை யத்தில், பாதிக்கப்பட்ட பெண்ணிற்கு ஆதரவாக நியாயம் கேட்க மாதர் சங்கத்தினருடன் சென்றவர்கள் 26 பேர் மீது பொய் வழக்குப் பதிவு செய்தனர். ஏழாண்டுகளுக்குப் பிறகு இந்த பொய் வழக்கு தள்ளுபடி செய்யப்பட்டு அனைவரும் விடுவிக் கப்பட்டனர். கடந்த 2017ஆம் ஆண்டு, மடத்துக்குளம் தாலுகாவைச் சேர்ந்த பெண் ஒருவர், தனது கணவர் துன்புறுத்துவதாக அனைத்து மகளிர் காவல் நிலையத்தில் புகார் கொடுத்தார். எனினும் இந்த வழக்கை விசாரிக்காமல் மகளிர் காவல் நிலை யத்தில் தாமதம் செய்த நிலையில் மாதர் சங்கத்தினரிடம் அந்த பெண் முறையிட்டார். எனவே மாதர் சங்க நிர்வாகிகள் மகளிர் காவல் நிலையத்திற்குச் சென்று காவல் ஆய்வாளரை சந் தித்து இது குறித்து நியாயம் கேட்டுள்ளனர். ஆனால் மகளிர் காவல் நிலைய ஆய்வாளர் மாதர் சங்க நிர்வாகிகளை தோளைப் பிடித்து தள்ளி வெளியேறும்படி கூறி அவமரியாதை செய்தார். இதையடுத்து பாதிக்கப் பட்டவருக்கு நியாயம் கேட்க மாதர் சங்கத்தினர் வந்தால் அவ மரியாதை செய்வதா என்று மாதர் சங்கத்தினர், மார்க்சிஸ்ட் கட்சியினர் காவல் நிலையத்தில் திரண்டனர். இது தொடர்பாக உடுமலை காவல் நிலையத்தில் நியாயம் கேட்கச் சென்றவர்கள் மீது பொய் வழக்குப் பதிவு செய்யப்பட் டது. இந்த வழக்கு உடுமலை ஜே.எம்.1 நீதித்துறை நடுவர் மன்றத்தில் கடந்த ஏழாண்டுகளுக்கு மேலாக நடைபெற்று வந்தது. திங்களன்று நீதித்துறை நடுவர், இந்த வழக்கை ரத்து செய்து 26 பேரையும் விடுவித்தார். இந்த வழக்கில் வாதாடிய வழக்கறிஞர்கள் சிவக்குமார், ரமேஷ் ஆகியோருக்கு அனைத் திந்திய ஜனநாயக மாதர் சங்கம், மார்க்சிஸ்ட் கட்சியின் உடு மலை, குடிமங்கலம் கமிட்டிகள் சார்பில் நன்றி தெரிவித்த னர்.</p>