எடமலைப்பட்டி புதூர் பகுதியில் ரூ.2,000 கோடியில் பிரம்மாண்ட வளர்ச்சி

<p><strong>எடமலைப்பட்டி புதூர் பகுதியில் ரூ.2,000 கோடியில் பிரம்மாண்ட வளர்ச்சி</strong></p><p>வாக்கு சேகரிப்பின் போது அமைச்சர் கே.என். நேரு பெருமிதம்! திருச்சிராப்பள்ளி, ஏப். 7: திருச்சிராப்பள்ளி மேற்கு சட்டமன்றத் தொகுதி வேட்பாளரும், திமுக முதன்மைச் செயலாளருமான அமைச்சர் கே.என்.நேரு, செவ்வாயன்று எடமலைப்பட்டி புதூர் பகுதிகளில் வீதி வீடாகச் சென்று தீவிர வாக்கு சேகரிப்பில் ஈடுபட்டார்.</p><p>வாக்கு சேகரிப்பின் போது அமைச்சர் கே.என்.நேரு பேசியதாவது: எடமலைப்பட்டி புதூர் பகுதி கடந்த சில ஆண்டுகளில் அசுர வளர்ச்சியைப் பெற்றுள்ளது. தில்லை நகர் மற்றும் பெரிய கடைவீதிக்கு இணையாக இப்பகுதியை மேம்படுத்த சுமார் 2,000 கோடி ரூபாய் மதிப்பிலான திட்டங்கள் செயல்படுத்தப்பட்டுள்ளன.</p><p>குறிப்பாக, அனைத்து சாலைகளும் தரமான சிமெண்ட் சாலைகளாக மாற்றப்பட்டுள்ளன. 100 ஏக்கர் பரப்பளவு கொண்ட கொல்லங்குளம் 40 கோடி ரூபாய் மதிப்பீட்டில் சீரமைக்கப்பட்டதால், இப்பகுதியில் நிலவி வந்த வெள்ள அபாயம் முழுமையாக நீங்கியுள்ளது.</p><p>மேலும், குமுளுட்டியிலிருந்து கலைஞர் பேருந்து முனைய வரை கோரையாற்றின் கரையில் 40 அடி அகல புதிய சாலை அமைக்கப்பட்டு வருகிறது. இப்பகுதி மக்களின் நீண்டகாலக் கோரிக்கையான வீட்டு மனைப் பட்டாக்கள் 1,000-க்கும் மேற்பட்டோருக்கு வழங்கப்பட்டுள்ளன.</p>