கதண்டு வண்டு கொட்டி 12 தொழிலாளர்கள் காயம்

<p><strong>கதண்டு வண்டு கொட்டி 12 தொழிலாளர்கள் காயம்</strong></p><p>கடலூர், அக்.14-கடலூர் மாவட்டம், பண்ருட்டி அடுத்த மாளிகைமேடு ஊராட்சியில் உள்ள காளியம்மன் வாய்க்காலில் 50-க்கும் மேற்பட்ட தொழிலாளர்கள் புதன்கிழமை 100 நாள் வேலைத் திட்டத்தின்கீழ் தூய்மைப் பணியில் ஈடுபட்டிருந்தனர்.</p><p>அப்போது முள் புதர்களை அகற்றியபோது, அங்கிருந்த கதண்டு வண்டுகள் கூட்டமாகப் பறந்து வந்து தொழிலாளர்களைக் கொட்டின. இதனால் அதிர்ச்சியடைந்த தொழிலாளர்கள் அலறியடித்துக்கொண்டு ஓடினர்.</p><p>இதில் அலமேலு, கௌசல்யா, சுகந்தி, செல்வி, பூரணி, செல்வம் உள்ளிட்ட 12 பேர் காயமடைந்தனர். அவர்கள் 108 ஆம்புலன்ஸ் மூலம் பண்ருட்டி அரசு மருத்துவமனைக்குக் கொண்டு செல்லப்பட்டு சிகிச்சை அளிக்கப்பட்டது.</p>