தமிழகத்தில் எஸ்.ஐ.ஆர்-க்குப் பின் 4 லட்சம் வாக்காளர்கள் அதிகரிப்பு வரைவு வாக்காளர் பட்டியல் வெளியீடு

<p><strong>தமிழகத்தில் எஸ்.ஐ.ஆர்-க்குப் பின் 4 லட்சம் வாக்காளர்கள் அதிகரிப்பு வரைவு வாக்காளர் பட்டியல் வெளியீடு</strong></p><p>சென்னை, நவ. 12 –2027 ஜனவரி 1-ஐ தகுதி நாளாகக் கொண்டு, தமிழகத்தில் 2027 ஜனவரி 4 வரை சிறப்பு சுருக்கமுறைத் திருத்தப் (SSR) பணிகளைத் தேர்தல் ஆணையம் அறிவித்துள்ளது. அதனடிப்படையில், ஒருங்கிணைந்த வரைவு வாக்காளர் பட்டியலைத் தமிழகத் தலைமைத் தேர்தல்அதிகாரி அர்ச்சனா பட்நாயக் வியாழக்கிழமை (நவ. 12) வெளியிட்டார்.</p><p><br></p><p><strong>5 கோடியே 77 லட்சம் வாக்காளர்கள்</strong></p><p>இந்த வரைவு வாக்காளர் பட்டியலில், ஆண்கள் 2 கோடியே 82 லட்சத்து 3 ஆயிரத்து 992 பேர், பெண்கள் 2 கோடியே 95 லட்சத்து 34 ஆயிரத்து 734 பேர்,மூன்றாம் பாலினத்தவர் 7 ஆயிரத்து 892 பேர் எனத் தமிழகத்தில் மொத்தம் 5 கோடியே 77 லட்சத்து 46 ஆயிரத்து 618 வாக்காளர்கள் இடம்பெற்றுள்ளனர்.அதிகபட்சமாகத் திருவள்ளூர் மாவட்டத்தில் 32 லட்சத்து 39 ஆயிரத்து 301 வாக்காளர்களும், குறைந்தபட்சமாக அரியலூர் மாவட்டத்தில்5 லட்சத்து 29 ஆயிரத்து 528 வாக்கா ளர்களும் இடம்பெற்றுள்ளனர்.</p><p><br></p><p><strong>மாவட்ட வாரியாக வாக்காளர் எண்ணிக்கை</strong></p><p>திருவள்ளூர் – 32,39,301; சென்னை – 29,14,908; சேலம் – 27,95,315; கோயம்புத்தூர் – 27,68,820; மதுரை – 25,13,711; செங்கல்பட்டு – 23,26,822; திருச்சிராப்பள்ளி – 21,61,238; கடலூர் – 20,49,811; திருப்பூர் – 20,01,436;தஞ்சாவூர் – 19,80,334; திருவண்ணாமலை – 19,47,156; ஈரோடு – 17,69,770; திண்டுக்கல் – 17,01,894; விழுப்புரம் – 16,08,995; கிருஷ்ணகிரி – 15,82,153; கன்னியாகுமரி – 15,26,871; விருதுநகர் – 15,19,601; தூத்துக்குடி – 13,95,495; நாமக்கல் – 13,29,376; புதுக்கோட்டை – 13,18,948; தென்காசி – 12,80,475; திருநெல்வேலி – 12,74,966; தருமபுரி – 12,59,510; காஞ்சிபுரம் – 12,21,180; வேலூர் – 11,59,481;இராமநாதபுரம் – 11,33,535; கள்ளக்குறிச்சி – 11,30,530; சிவகங்கை – 11,26,500; தேனி – 10,46,972; திருவாரூர் – 9,95,279; ராணிப்பேட்டை – 9,58,271; திருப்பத்தூர் – 9,28,853; கரூர் – 8,56,198; மயிலாடுதுறை – 7,40,963; பெரம்பலூர் – 5,62,134; நீலகிரி – 5,54,840; நாகப்பட்டினம் – 5,35,448; அரியலூர் – 5,29,528.</p><p><br></p><p><strong>எஸ்ஐஆருக்கு முந்தைய நிலைமை</strong></p><p>தமிழகத்தில் வாக்காளர் பட்டியல் சிறப்பு தீவிரத் திருத்தப் பணிகள் (SIR) மேற்கொள்ளப்படுவதற்கு முன்பு 6.41 கோடி வாக்காளர்கள் இருந்தனர். சிறப்பு தீவிரத் திருத்தத்திற்குப் பிறகு, 2026 ஏப்ரல் மாத நிலவரப்படி 2 கோடியே 80 லட்சத்து 30 ஆயிரத்து 658 பேர் ஆண் வாக்காளர்கள், 2 கோடியே 93 லட்சத்து 4 ஆயிரத்து 905 பேர் </p><p>பெண் வாக்காளர்கள், 7,728 மாற்றுப்பாலினத்தவர்கள் என தமிழகத்தில் மொத்தம் 5 கோடியே 73 லட்சத்து 43 ஆயிரத்து 291 வாக்காளர்கள் இருந்தனர். தற்போது வரைவு வாக்காளர்கள் பட்டியலில் சுமார் 4 லட்சம் வாக்காளர்கள் புதிதாக இடம்பெற்றுள்ளனர்.</p><p><br></p><p><br></p><p><strong>டிச. 11 வரை பெயர் சேர்க்க - நீக்க விண்ணப்பிக்கலாம்!</strong></p><p>இந்த வரைவுப் பட்டியலின் அடிப்படையில், வாக்காளர்கள் தங்களது பெயர் மற்றும் விவரங்களைச் சரிபார்த்து, டிசம்பர் 11-ஆம் தேதி வரை பெயர் சேர்த்தல், நீக்குதல், முகவரி மாற்றம் உள்ளிட்ட திருத்தங்களை மேற்கொள்ளலாம் என்று அறிவிக்கப்பட்டுள்ளது.இப்பணிகளுக்காக விடுமுறை நாள்களில் சிறப்பு முகாம்கள் நடத்தப்படுவதுடன், பெறப்படும் விண்ணப்பங்கள் மீது டிசம்பர் 28-ஆம் தேதிக்குள் முடிவெடுக்கப்பட்டு, ஜனவரி 4-ஆம் தேதி இறுதி வாக்காளர் பட்டியல் வெளியிடப்பட உள்ளது.https//voterportal.eci.gov.in என்ற இணையதளம் மற்றும் ECINET கைப்பேசிச் செயலி மூலமாகவும் ஆன்லைனில் விண்ணப்பிக்கலாம்.</p><p>விண்ணப்பப் படிவங்கள்2027 ஜனவரி 1, ஏப்ரல் 1, ஜூலை 1, அக்டோபர் 1 ஆகிய தேதிகளில் 18 வயது பூர்த்தியடைபவர்களும், பட்டியலில் இதுவரை பெயர் இல்லாதவர்களும் படிவம் 6-ஐப் பயன்படுத்திப் பெயர் சேர்க்கலாம். வெளிநாடுகளில் வசிக்கும் இந்தியக் குடிமக்கள் படிவம் 6A மூலம் விண்ணப்பிக்கலாம்.</p><p>விண்ணப்பங்களை வாக்காளர் பதிவு அலுவலரிடம் நேரிலோ அல்லது அஞ்சல் மூலமாகவோ அளிக்கலாம். தொகுதி மாறியவர்கள், ஒரே தொகுதிக்குள் இடம் மாறியவர்கள், விவரத் திருத்தம் தேவைப்படுவோர், அடையாள அட்டை தொலைந்தவர்கள் ஆகியோர் படிவம் 8-ஐப் பயன்படுத்த வேண்டும்.</p>