- ரஷ்யாவிலிருந்து வரும் அனைத்து சுற்றுலா பயணிகளுக் கும் தடை விதிக்க வேண்டும் என பின்லாந்தும் எஸ்தோனியா வும் கோரியுள்ளன. ஆனால் ஐரோப்பிய ஒன்றியம் தயாராக இல்லை.
- சுற்றுலா மூலம் கிடைக்கும் வருவாயை இழக்க சில ஐரோப்பிய நாடுகள் விரும்பவில்லை. காசு- பணம்-துட்டு- இதன் முன்பு தடைகள் முக்கியமல்ல என்பது சில ஐரோப்பிய நாடுகளுக்கு தெரியும். போர் நிலை குறித்து உக்ரைன் சொல்லும் பல தகவல்கள் உண்மை அல்ல எனவும் ரஷ்யாவை ஏமாற்றச் சொல்லப் படுவது எனவும் ஜெலன்ஸ்கியின் உதவியாளர் மிகாயில் போடொலியாக் கூறியுள்ளார்.
- ரஷ்யா சொன்னால் அது பொய்! உக்ரைன் பொய் சொன்னால் அது போர்த் தந்திரம்! உக்ரைன் வழியாக குழாய் மூலம் செல்லும் ரஷ்ய எண் ணெய்யை உக்ரைன் நிறுத்தியுள்ளது. இதனால் ஹங்கேரி/ செக்கோஸ்லோவேகியா ஆகிய நாடுகள் பாதிக்கப்படும்.
- ரஷ்ய வங்கிகள் மற்றும் ரூபிளுக்கு விதித்த தடை காரணம்! ரஷ்யா வுக்கு எதிரான ஐரோப்பிய நாடுகளின் தடைகள் காரணமாக அந்த நாடுகளே பாதிக்கப்படத் தொடங்கி விட்டன.
- ஜெலன்ஸ்கி இட்லர் பாணியை கடைப்பிடிக்கிறார் என முன் னாள் ரஷ்ய ஜனாதிபதி மெத்வதேவ் குற்றம்சாட்டியுள்ளார். இது உண்மையே! எனினும் “மகாரஷ்யா இனம்” எனும் தேசிய வெறியை கிளப்புபவர்களுக்கும் இது பொருந்தும்.
- உலக சமாதானம் நினைவாக 1990இல் பின்லாந்துக்கு சோவி யத் யூனியன் தந்த ஒரு புகழ்பெற்ற சிற்பத்தை பின்லாந்து அகற்ற முடிவு செய்துள்ளது.
- உக்ரைன் போர் இதற்கு காரண மாம்! உக்ரைன் போர் உலக சமாதானத்தின் தேவையை கூடுத லாக முன்னுக்கு கொண்டு வந்துள்ளது.
- ஐரோப்பாவின் மேன்மை குறித்து எல்லையில்லாமல் சிந்திக்கும் பின்லாந்து போன்ற நாடுகளின் நிலைபாடு பரிதாபகரமானது.
- ரூபிள் நாணயம் வலுவடைந்துள்ளதால் வெளி நாடுகளிலி ருந்து 31.2லட்சம் உழைப்பாளிகள் ரஷ்யாவுக்கு கடந்த 3 மாதங்களில் வந்துள்ளனர் என அயல் துறை தெரிவித்துள் ளது. அமெரிக்காவின் தடைகள் முழு வெற்றி பெறவில்லை என்பதற்கு இது மேலும் ஒரு நிரூபணம்.
ஊடக உலகில் உண்மையின் பேரொளி