புதுதில்லி:
உலக அளவில் வலிமையான ராணுவத்தை கொண்ட நாடுகள் குறித்து, ஆய்வு நடத் தப்பட்டு அதன் முடிவுகள், ‘மிலிட்டரி ரைடக்ட்’ என்ற ராணுவ இணையதளத்தில் வெளியிடப்பட்டுள்ளன.

ராணுவத்துக்கு பட்ஜெட்டில்ஒதுக்கப்படும் நிதி, சுறுசுறுப் பான ராணுவ வீரர்கள் எண் ணிக்கை, மொத்த வான்படை, கடற்படை, தரைப்படை, அணுஆயுத பலம், சராசரி சம்பளம்உள்ளிட்ட பல்வேறு அம்சங்களின் அடிப்படையில் பட்டியல் தயாரிக்கப்பட்டு இருந்தது.இதன்படி ராணுவ வலிமைகுறியீட்டில், 100-க்கு 82 புள்ளிகளுடன் சீனா முதலிடத்திலும், 74 புள்ளிகளுடன் அமெரிக்கா 2-ஆம் இடத்திலும், 69 புள்ளிகளுடன் ரஷ்யா 3-ஆம் இடத்திலும், 61 புள்ளிகளுடன் இந்தியா4-ம் இடத்திலும் வந்துள்ளன. 58 புள்ளிகளுடன் பிரான்ஸ் 5-ஆம்இடத்தையும், 43 புள்ளிகளுடன் இங்கிலாந்து 9-ஆம் இடத்தையும் பெற்றுள்ளன.

ராணுவத்துக்கு அதிகம் செலவிடுவதில் அமெரிக்கா முதலிடத்தில் இருந்தாலும், ராணுவவலிமையில் அந்நாடு பின்னுக்குதள்ளப்பட்டுள்ளது. அமெரிக்கா, தனது ராணுவத்துக்கு ஆண்டுக்கு 73 ஆயிரத்து 200 கோடி டாலர் செலவிடுகிறது. சீனா, 26 ஆயிரத்து 100 கோடிடாலரும், இந்தியா 7 ஆயிரத்து 100 கோடி டாலரும் செலவிடுகின்றன.போர் வருவதாக யூகித்துக் கொண்டால், 14 ஆயிரத்து 141 விமானங்கள் கொண்ட அமெரிக்கா வான்வழி போரில் வெற்றிபெறும். 406 கப்பல்களைக் கொண்ட சீனா, கடல்வழி போரில் வெற்றி பெறும். 54 ஆயிரத்து 866 ராணுவ வாகனங்கள் கொண்ட ரஷ்யா, தரைவழி போரில் வெற்றி பெறும் என்று இந்த ஆய்வு தெரிவிக்கிறது.