அமெரிக்காவில் விமானம் மற்றும் ஹெலிகாப்டர் மோதிய விபத்தில் யாரும் பிழைத்திருக்க வாய்ப்பில்லை என மீட்புப் படையினர் தெரிவித்துள்ளனர்.
அமெரிக்காவின் வாஷிங்டன் மாகாணத்தில் உள்ள ரீகன் விமான நிலையம் அருகே நடுவானில் பிளாக் ஹாக் ராணுவ ஹெலிகாப்டர் மீது அமெரிக்கன் ஏர்லைன்சின் பயணிகள் விமானம் மோதிய விபத்தில் யாரும் பிழைத்திருக்க வாய்ப்பில்லை என மீட்புப் படையினர் தெரிவித்துள்ளனர். விமானம் விழுந்த ஆற்றில் இருந்து இதுவரை 30 பேரின் சடலங்கள் மீட்கப்பட்டுள்ளது.
பயணிகள் விமானத்தில் 64 பேர் இருந்ததாகவும், ஹெலிகாப்டரில் 3 ராணுவ வீரர்கள் இருந்ததாகவும் செய்தி வெளியாகியுள்ளது. மீட்பு பணிகள் தொடர்ந்து நடைபெறுகிறது. இந்த விபத்து குறித்து அதிகாரிகள் தீவிர விசாரணை மேற்கொண்டு வருகின்றனர். அவசர நடவடிக்கையாக அனைத்து விமானங்களும் தரையிறக்கப்பட்டுள்ளன.
