மார்க்சிஸ்ட் கம்யூனிஸ்ட் கட்சி
யின் திண்டுக்கல் நாடாளு
மன்ற உறுப்பினர் ஆர்.சச்சிதானந்தம், நகர்ப்புற நீர் நெருக்கடி குறித்து நாடாளு
மன்றத்தில் எழுப்பிய கேள்விக்கு, ஜல்
சக்தி இணை அமைச்சர் வி.சோமண்ணா அளித்த பதில், நீர் மேலாண்மையில் ஒன்றிய அரசின் ஒருங்கிணைப்பற்ற அணுகுமுறையை வெளிப்படுத்தியுள்ளது.
நகர்ப்புற நீர் நெருக்கடிக்கு நுட்பமான, ஒருங்கிணைந்த அணுகுமுறை தேவைப்
படுவதை சுட்டிக்காட்டி, நீரின் அரிய வள
மதிப்பை பிரதிபலிக்கும் முற்போக்கான விலை நிர்ணய முறையை அறிமுகப் படுத்த வேண்டியதன் அவசியத்தை எம்.பி வலியுறுத்தியுள்ளார். ஆனால் அமைச்சரின் பதில் இந்த அடிப்படை கேள்விகளை முற்றிலும் தவிர்த்துள்ளது.
திட்டங்களின் தற்போதைய நிலை:
1. ஜல் ஜீவன் மிஷன் (ஊரகம்):
- 2019: 3.23 கோடி (16.8%) வீடுகளில் குழாய் நீர் இணைப்பு
- 2024: 15.34 கோடி (79.28%) வீடுகளுக்கு இணைப்பு
- தினசரி நபர் ஒருவருக்கு 55 லிட்டர் என்ற குறைந்தபட்ச அளவு
2. அம்ருத் திட்டம் (நகர்ப்புறம்):
- 500 நகரங்களில் செயல்பாடு
- மொத்த திட்ட மதிப்பீடு: ரூ.77,640 கோடி
- குடிநீர் பிரிவுக்கு ஒதுக்கீடு: ரூ.39,011 கோடி (50%)
- 1,390 திட்டப்பணிகள் தொடங்கப்பட்டு ரூ.41,134 கோடி மதிப்பிலான பணிகள் நிறைவு
- 189 லட்சம் வீடுகளுக்கு குழாய் இணைப்பு
- வெறும் 9 நீர்நிலைகள் மட்டுமே புனரமைப்பு
- 7 மழைநீர் சேகரிப்பு திட்டங்கள் மட்டுமே
3. அம்ருத் 2.0 (புதிய திட்டம்):
- அனைத்து சட்டப்பூர்வ நகரங்களுக்கும் விரிவாக்கம்
- ரூ.1,14,073.65 கோடி மதிப்பிலான 3,596 குடிநீர் திட்டங்கள்
- ரூ.6,159.29 கோடி மதிப்பிலான 3,078 நீர்நிலை மேம்பாட்டு திட்டங்கள்
முக்கிய குறைபாடுகள்:
1. நீர் விலை நிர்ணயம்:
- நீரின் உண்மையான பற்றாக்குறையை பிரதிபலிக்கும் விலை கட்டமைப்பு இல்லை
- வீணாக்கத்தை தடுக்கும் பொருளாதார கட்டுப்பாடுகள் இல்லை
- சமூக நீதியை உறுதிப்படுத்தும் விலை முறை இல்லை
2. நீர் ஆதாரப் பாதுகாப்பு:
- நகர்ப்புற நீர்நிலைகள் மறைப்பு தொடர்கிறது
- நிலத்தடி நீர் மேலாண்மைக்கு திட்டமிட்ட செயல்பாடு இல்லை
- மழைநீர் சேகரிப்பு கட்டாயமாக்கப்பட வில்லை
3. நிர்வாக சிக்கல்கள்:
- ஒன்றிய-மாநில ஒருங்கிணைப்பு இல்லை
- நகராட்சிகளுக்கு போதிய அதிகாரம் இல்லை
- நிதி ஒதுக்கீடு போதுமானதாக இல்லை
4. திட்டமிடல் குறைபாடுகள்:
- நகர்ப்புற வளர்ச்சிக்கேற்ப நீர்த்தேவை மதிப்பீடு இல்லை
- காலநிலை மாற்ற தாக்கங்கள் கணக்கில்
கொள்ளப்படவில்லை
- தனியார்மயமாக்கல் அபாயம்
நீர் என்பது மாநில பொருள் என்ற கார
ணத்தை முன்வைத்து ஒன்றிய அரசு தனது
பொறுப்பிலிருந்து தப்பிக்க முயல்வது கண்டனத்திற்குரியது. வேகமான நகரமய
மாக்கல் மற்றும் காலநிலை மாற்றம் ஆகியவற்றின் தாக்கத்தை கருத்தில் கொண்டு, நகர்ப்புற நீர் பாதுகாப்பிற்கு ஒரு தேசிய கொள்கை மற்றும் செயல்திட்டம் உடனடியாக தேவைப்படுகிறது.
இந்த விரிவான அணுகுமுறை பின்
வருவனவற்றை உள்ளடக்க வேண்டும்:
- நீர் பயன்பாட்டை கட்டுப்படுத்தும் விலை முறை
- நகர்ப்புற நீர்நிலைகளின் பாதுகாப்பு
- கட்டாய மழைநீர் சேகரிப்பு
- கழிவுநீர் மறுசுழற்சி
- நிலத்தடி நீர் மேலாண்மை
- ஒன்றிய-மாநில-நகராட்சி ஒருங்கிணைப்பு
இல்லையேல், வரும் காலங்களில் நகர்ப்புற நீர் நெருக்கடி மோசமான நிலையை அடையும் என எச்சரித்துள்ளார் ஆர். சச்சிதானந்தம் எம்.பி.
