-
காலத்தைக் கொல்லும் கைப்பேசி-உன்
கற்பனை அழிக்கும் அதையோசி!
வேலையைக் கெடுக்கும் கைப்பேசி-அதை
விட்டிட வேண்டும் மனங்கூசி!
வாழ்க்கையில் வழுக்கி வீழ்ந்திடாதே-நீ
வருமுன் காப்பதில் தாழ்ந்திடாதே!
தாழ்ந்தசெயல் செய்ய ஆழ்ந்திடாதே-உன்
தகுதியில் குறைந்து வாழ்ந்திடாதே!
அன்பாலே வையம்அணைத்திடுவாய்-உன்
அறிவினில் ஆக்கம் பிணைத்திடுவாய்!
உண்மையை உயிராய் நினைத்திடுவாய்!- அதில்
ஓராயிரம் சொற்கள் இணைத்திடுவாய்!
பெரியோரை மதித்துப் போற்றிடுவாய்-நீ
பேரும் புகழும் பெற்றிடுவாய்!
சிறியாரை இகழ்ந்து தூற்றிடுவாய்!-நீ
சிறந்திட நல்வழி கற்றிடுவாய்!
பெற்றோரின் சொல்லை மதித்திடுவாய்-அவர்
பேர்பெற வாழ்வைப் பதித்திடுவாய்!
கற்றோரின் வாய்ச்சொல் துதித்திடுவாய்-வீணர்
காட்டிடும் செயலை மிதித்திடுவாய்!