ரிசாட்-1 பி : இஸ்ரோவின் மற்றொரு மைல்கல்
நமது எல்லைகளைக் கண்காணிக்க வும் தேசிய பாதுகாப்பை வலுப் படுத்தவும் முனைப்புடன் களம் இறங்கி யிருக்கிறது இந்திய விண்வெளி ஆராய்ச்சி நிறுவனமான இஸ்ரோ. பிஎஸ்எல்வி - சி 61 ராக்கெட் மூலம் பூமியைக் கண்காணிக்கும் ரேடார் ரிசாட்-1 பி செயற்கைக் கோளை அனுப்பிவைக்கத் தயாராகிவிட்டது. திருப்புமுனை சமீபத்திய பாதுகாப்பு சம்பவங்களைத் தொடர்ந்து, எல்லைகள் மற்றும் கடற்கரை யோரங்களில் கண்காணிப்பை மேம்படுத்து வதில் ரிசாட்-1 பி செயற்கைக்கோளின் பயன்பாடு அதிமுக்கியத்துவம் பெறுகிறது. மேம்பட்ட அதிநவீன தொழில்நுட்பத்துடன் பொருத்தப்பட்ட இந்த செயற்கைக்கோள், எல்லை தாண்டிய அச்சுறுத்தல்களுக்கு எதிரான இந்தியாவின் போராட்டத்தில் ஒரு திருப்புமுனையாக இருக்கும் என்பது நமது அறிவியலாளர்களின் நம்பிக்கையாகும். காரணம், ரிசாட்-1 பி ரேடார் இமேஜிங் செயற்கைக்கோள் பூமியின் கண்காணிப்புத் திறன்களை மேலும் வலுப்படுத்தும் என்ப தால், இந்தியாவின் பாதுகாப்பு ஆயுதக் களஞ்சி யத்தில் இது ஒரு முக்கிய கருவியாகும். ரிசாட் என்றால் என்ன? ரிசாட்-1 (Radar Imaging Satellite - RISAT-1) - இது முழுக்க முழுக்க இந்தியாவிலேயே தயாரிக்கப்பட்ட, மிக அதிக எடை கொண்ட செயற்கைக் கோளாகும். இதன் எடை 1,858 கிலோ கிராம் ஆகும். 2012 ஏப்ரல் 26 அன்று இந்திய விண்வெளி ஆய்வு மையம் தயாரித்த இந்த செயற்கைக்கோள், துருவ செயற்கைக் கோள் ஏவுதல் வாகனம் (Polar Satellite Launch Vehicle) பிஎஸ்எல்வி - சி 19 ஏவுகணை மூலம் ஸ்ரீஹரிகோட்டா ஏவுதளத்திலிருந்து வெற்றிகர மாக விண்ணில் செலுத்தியது. இது பிஎஸ்எல்வி ஏவுகணை செலுத்திய 20ஆவது வெற்றிகர மான செயற்கைக்கோளாகும். அனைத்து பருவ நிலைகளிலும் புவியைத் துல்லியமாக படம் பிடிக்கும் இந்த செயற்கைக்கோள், செலுத்தப் பட்ட 18 நிமிடங்களில் புவியிலிருந்து 480 கி.மீ உயரத்தில் நிலைநிறுத்தப்பட்டது. பயணத்தின் நோக்கம் ரிசாட்-1 செயற்கைக்கோள் அனைத்து பருவ நிலைகள், இரவு, பகல் நேரங்களிலும் புவியைக் கண்காணிக்கும். இதில் உள்ள நுண்ணலைத் தொழில்நுட்பம் மேகங்களை ஊடுருவும், இரவிலும் படம் பிடிக்கும். இந்தக் கோள் அனுப்பிவைக்கும் படங்களின் மூலம் இந்தியாவில் கோதுமை, அரிசி உற்பத்தி எந்த அளவிற்கு இருக்கும் என்பதைக் கணிக்க முடியும். பேரிடர் பாதிப்புகள், மழை, வெள்ள பாதிப்புகளையும் கண்டறிந்து நிவாரணப் பணிகளை விரைந்து மேற்கொள்ள உதவுகிறது. மண் பரிசோதனை, கனிம வளங்கள் போன்றவற்றை ஆராய்ந்துகொள்ளலாம். பவளப்பாறை களைக் கண்டறிந்து பாதுகாப்புப் பணிகளை விரைந்து மேற்கொள்ள முடியும். தொடரும் வெற்றிப் பயணம்.. ரிசாட்-1 செயற்கைக்கோள் 2006ஆம் ஆண்டு முதல் தேசத்தைப் பாதுகாப்பதில் முக்கிய பங்கு வகித்து வருகிறது. இதன் தொடர் பயணம், நீண்டகால பாதுகாப்பு உத்திகளை உறுதி செய்து வருகிறது. 2008 மும்பை தாக்குதலுக்குப் பிறகு, தொடர்ந்து எல்லைக் கண்காணிப்பை பலப்படுத்தவும் ஊடுருவலைத் தடுக்கவும் வடிவமைக்கப் பட்டது. 2019இல் ஏவப்பட்ட ரிசாட்-2 பி ஆர் 1 செயற்கைக்கோள், 0.35 மீட்டர் வரை தெளிவுத்திறனை வழங்கியது. இதனால், பாதுகாப்புப் படையினர் குறிப்பிடத்தக்க தெளிவுடன் பொருட்களை அடையாளம் காண முடிந்தது என்று நமது விண்வெளி நிபு ணர்கள் தெரிவித்திருப்பது குறிப்பிடத்தக்கது. வளர்ச்சியின் அடுத்த கட்டம்... தேசத்தின் பாதுகாப்பை வலுப்படுத்தவும், முக்கியமான உள்கட்டமைப்பை ஆதரிக்கவும் கூடுதல் செயற்கைக்கோள்களை நிலைநிறுத்த வேண்டியதன் முக்கியத்துவத்தை இஸ்ரோ தலைவர் வி. நாராயணன் சமீபத்தில் அறிவித்திருந்தார். அதே போல சமீபத்திய பாதுகாப்பு சம்பவத்தைத் தொடர்ந்து, செயற்கைக் கோளை நிலைநிறுத்தும் பணிகளை துரிதப்படுத்தும் இஸ்ரோ, விண்வெளி அடிப்ப டையிலான கண்காணிப்புத் திறன்களை அதிகரித்து வருகிறது. இது இந்தியாவின் விண்வெளித் திட்டத்தின் மற்றொரு முக்கிய மைல்கல்லை நோக்கி பயணிக்கிறது. அதன்படி, அடுத்த ஐந்து ஆண்டுகளில் 52 செயற்கைக்கோள்கள் கொண்ட ஒரு தொகுப்பை சுற்றுப்பாதையில் நிலைநிறுத்தத் திட்டமிட்டு வரும் இஸ்ரோ அறிவியலாளர்கள், முக்கியமான எல்லைகள் மற்றும் கடற்கரையோரங்களில் கண்காணிப்பை மேம்படுத்துவதில் செயற்கைக்கோளின் பயன்பாட்டை துரிதப்படுத்தி வருகின்றனர். அதில் ஒன்றுதான் ரிசாட்-1பி. இது முந்தைய ரிசாட்-1 செயற்கைக்கோளின் மரபை அடிப்படையாகக் கொண்டது என்றாலும், இது சாதாரண செயற்கைக்கோள் அல்ல. இது ஒரு C-band, Synthetic Aperture Radar (SAR) அதிநவீன செயற்கைக்கோள் ரேடாரைக் கொண்டு வடிவமைக்கப்பட்டுள்ளது. சிறப்பு அம்சங்கள் - பூமியின் மேற்பரப்பின் உயர் தெளிவுத்திறன் படங்களைப் பிடிக்கும் வசதி கொண்டது. இது இரவு, பகல் அனைத்து வானிலை நிலைகளிலும் சிறப்பாகச் செயல்படும். - மேகங்களின் இருளுடன் போராடும் ஆப்டிகல் செயற்கைக்கோள்களைப் போல் அல்லாமல், தடைகளைத் தாண்டி ஊடுருவி, ஜம்மு-காஷ்மீர் போன்ற உணர்திறன் வாய்ந்த எல்லைப் பகுதிகளைக் கண்காணிக்கும். - ஊடுருவல்களைக் கண்டறியும், சந்தேகத்திற்கிடமான இயக்கங்களைக் கண்காணிக்கும், பயங்கரவாத எதிர்ப்பு நடவடிக்கைகளில் இதன் திறன் மிக முக்கியமானது. - இந்தியாவின் எல்லைகளில் பதற்றங்கள் அதிகமாக இருக்கும் நிலையில், தொடர்ச்சியான, நம்பகமான உளவுத் தகவலை வழங்கும் செயற்கைக்கோளின் திறன் பாதுகாப்புப் படைகளுக்கு ரிசாட்-1பி ஒரு சொத்தாகும். இது ஐந்து தனித்துவமான இமேஜிங் முறைகளைக் கொண்டுள்ளது: சிறிய பொருட்களைக் கண்டறிவதற்கான 1 மீட்டர் வரையிலான (அல்ட்ரா-ஹை-ரெசல்யூஷன்) இமேஜிங் மற்றும் பெரிய பகுதி கண்காணிப்புக்கான பரந்த ஸ்கேன்களுக்கு இடையில் மாறுவதற்கான நெகிழ்வுத்தன்மை யை வழங்குகிறது. இந்தத் தகவமைப்புத் திறன் ராணுவ மற்றும் சிவிலியன் நோக்கங் களுக்காகச் சேவை செய்ய அனுமதிக் கிறது. பாதுகாப்புத் துறையில், இது அங்கீ கரிக்கப்படாத எல்லை நடவடிக்கைகளை அடையாளம் காண முடியும். சுரங்கப்பாதை கள் மற்றும் பதுங்குகுழிகள் போன்ற மறைக்கப்பட்ட கட்டமைப்புகளைக் கண்டறிய வும் உதவி செய்யும். வெள்ள மேப்பிங் (வரைபடமாக்கல்), சூறாவளி கண்காணிப்பு, மண்ணின் ஈரப்பதம் பகுப்பாய்வு மற்றும் பயிர் சுகாதார மதிப்பீடு ஆகியவை பொதுமக்களுக்கான பயன்பாடு களில் அடங்கும். விவசாயம், வனவியல் கண்காணிப்பு முதல் பேரிடர் மேலாண்மை, நகர்ப்புறத் திட்டமிடலுக்கு இது மிகவும் முக்கியமானதாகும். இயற்கை நிலப்பரப்பு மற்றும் மனிதனால் உருவாக்கப்பட்ட பொருட்களை வேறுபடுத்து வதன் மூலம் மேலும் நன்மையைச் சேர்க்கிறது. மறைக்கப்பட்ட மற்றும் நிலப்பரப்புடன் கலந்த இலக்குகளின் துல்லியத்தைக் கண்டறிந்து மேம்படுத்துகிறது. முடி கிரீடம் பாதுகாப்புக்கு அப்பால், ரிசாட்-1பி விண்வெளித் தொழில்நுட்பத்தில் இந்தி யாவின் வளர்ந்துவரும் திறமையைப் பிரதி பலிக்கிறது. செயற்கைக்கோளின் உள்நாட்டு செயற்கைத்துளை ரேடார் தொழில்நுட்பம் வெளிநாட்டு அமைப்புகளை நம்பியிருப்பதைக் குறைத்து, நமது கண்காணிப்புத் திறன்கள் இறையாண்மையுடன் பாதுகாப்பாக இருப்பதை உறுதி செய்கிறது. இத்தகைய மேம்பட்ட அமைப்புகளை வழங்குவதற்கான இஸ்ரோவின் திறன் இந்தியாவின் அறிவியல் சாதனைகளையும், தன்னம்பிக்கைக்கான அதன் உறுதிப்பாட்டையும் எடுத்துக்காட்டு கிறது. இருப்பினும், தொடர்ச்சியான எல்லைக் கண்காணிப்புக்கு சுற்றுப்பாதையில் பல செயற்கைக்கோள்கள் தேவை என்பதை நமது அறிவியல் நிபுணர்கள் வலியுறுத்தி வரு கிறார்கள். இந்தத் திறன் எல்லைப் பகுதி களுக்கு ஒரு மாற்றத்தை ஏற்படுத்தும், அங்கு கண்காணிப்பு பெரும்பாலும் மூடுபனி, மழை அல்லது இருளால் தடைபடுகிறது. உயர் தெளிவுத்திறன் கொண்ட ரேடார் படங்கள் புதிய மண் தொந்தரவுகள், புதிய முகாம்கள் அல்லது வாகன இயக்கம் போன்ற சிறிய மாற்றங்களைக்கூடக் கண்டறிந்து, தரை ரோந்து அல்லது வழக்கமான கண்காணிப்புக் கருவிகள் தவறவிடக்கூடிய செயல்பாட்டு உளவுத்தகவலை வழங்கும். இது தொலை தூர மற்றும் அணுக முடியாத பகுதிகளில் 24 மணிநேரமும் கண்காணிப்பை உறுதி செய்கிறது மற்றும் இந்தியாவின் எல்லைக் கட்டுப்பாட்டுத் திறன்களை கணிசமாக மேம்படுத்துகிறது. எல்லையில் அதிகரித்துவரும் பதற்றத்துக்கு மத்தியில் பயங்கரவாதத்தைத் தகர்த்தழிக்க வேண்டியுள்ளது. முக்கிய மான பகுதிகளின் தினசரி கண்காணிப்புக்கு குறைந்தது நான்கு ரிசாட் செயற்கைக்கோள்கள் தேவைப்படுகின்றன. இதில், ரிசாட்-1பி அதன் நிலையை வலுப்படுத்துகிறது. அதற்காக, இந்தியாவின் எல்லைப் பகுதிகளில் உயர் தெளிவுத்திறன் கொண்ட ரேடார் படங்களைத் துல்லியமாக பெற்று அத்த கைய முகாம்களைக் கண்டறிய, இந்திய விண்வெளி ஆராய்ச்சி அமைப்பு தயாராகி வருகிறது. இதற்காக பிஎஸ்எல்வி-சி61 ராக்கெட் மூலம் ஸ்ரீஹரிகோட்டாவில் உள்ள சதீஷ் தவான் விண்வெளி மையத்திலிருந்து மே 18 அன்று இந்திய நேரப்படி காலை 6.59 மணிக்கு 1,710 கிலோ எடை கொண்ட, 24 மணிநேரமும் பயன் படுத்தக்கூடிய ரேடார் இமேஜிங் செயற்கைக் கோள் ரிசாட்-1பி விண்ணில் செலுத்துவதற்குத் தயாராகி வருகிறது இஸ்ரோ. இஸ்ரோவின் பல முக்கியத் திட்டங்களில் ஒன்றான இந்த செயற்கைக்கோள் சுமார் 529 கி.மீ உயரத்தில் சூரிய ஒத்திசைவான சுற்றுப்பாதையில் செலுத்தப்படுகிறது. பூமி யின் மேற்பரப்பில் துல்லியமாக படம் பிடித்து, உளவு மற்றும் கண்காணிப்புப் பணி களுக்காகப் பயன்படுத்த அனுப்பிவைக்கப்படு கிறது. இந்தச் செயற்கைக்கோளின் வெற்றி இந்திய விண்வெளித் திட்டத்தின் ஒரு முக்கிய மைல்கல்லாகும்.