முதல்வர் ஸ்டாலின் பேச்சு
சென்னை, அக். 28 - தமிழ்நாடு சட்டப்பேரவைக்கு 2026-இல் பொதுத்தேர்தல் நடைபெற உள்ளது. இந்நிலையில், சட்டப்பேரவை தொகுதிகளின் திமுக பார்வை யாளர்கள் ஆலோசனைக் கூட்டம், முதலமைச்சரும் திமுக தலைவரு மான மு.க. ஸ்டாலின் தலைமையில், சென்னை அண்ணா அறிவாலயத்தில் திங்களன்று (அக்.28) நடைபெற்றது. தேர்தல் பணிகளில் கவனம் செலுத்துவது, சமூக வலைத்தளத்தை கண்காணிப்பது மற்றும் அடுத்து செய்ய வேண்டிய பணிகள் குறித்து நிர்வாகிகளுக்கு இந்தக் கூட்டத்தில் ஆலோசனைகள் வழங்கப்பட்டன. அப்போது, முதலமைச்சர் மு.க. ஸ்டாலின் பேசியதாவது: 2024 மக்களவைத் தேர்தலைத் தொடர்ந்து, 2026 சட்டமன்றத் தேர்தலி லும் நாம்தான் வெற்றி பெறப் போகிறோம். அதற்கான உழைப்பை, இன்றிலிருந்தே தொடங்கியாக வேண்டும். திமுகவும், நம்முடைய கூட்டணியும் மகத்தான வெற்றி பெறு வதை உறுதி செய்ய வேண்டும். நம்மு டைய இலக்கு 200 தொகுதிகள். அதற்காகத்தான் இப்போதே 234 தொகுதிகளுக்கும் தொகுதிப் பார்வையாளர்களை நியமித்துள் ளோம். திமுக கூட்டணி வலுவாக உள்ளது. கட்சி உங்களுக்கு கொடுத்த பணிகளைச் சிறப்பாக செய்து முடி யுங்கள். எதைப் பற்றியும் கவலைப் படாமல் பணியாற்றுங்கள். மற்றதை நாங்கள் பார்த்துக்கொள்கிறோம். சட்டமன்றத் தொகுதி பார்வையா ளர்களாக நியமிக்கப்பட்டதால் தேர்த லில் சீட் கிடைக்காது என்று கவ லைப்படவேண்டாம்; உங்களுக்கும் வாய்ப்பு வழங்கப்படும்.” இவ்வாறு முதல்வர் மு.க. ஸ்டாலின் கூறியுள் ளார்.