தேநீராக வருகிறான்
அதிகாலை நேரம் தொலைதூர ரயிலின் கூவல் ஓசை துல்லியமாகக் கேட்டது அவன் வருவானா... போர்வையை விலக்கி ஜன்னலின் வழியே விண்ணைப் பார்த்தாள் துடைத்து வைத்தது போல ஒரு தோற்றம் பறவை ஒன்று கரும்புள்ளியாய் அவன் வருகிறான் என்ற செய்தி சொல்லி உயரப் பறந்தது உற்சாகம் தொற்றிக்கொள்ள இருசக்கர வாகனத்தில் அழைத்து வர விரைந்தாள் பனியில் நனைந்த பின்னிருக்கையில் அமர்ந்து பழமை பேசி சிரித்தவனை போகும் வழி எல்லாம் தேடிக்கொண்டு போனாள் கிளம்பிப் போன ரயிலின் எக்ஸ் மார்க் கடைசிப்பெட்டி அவன் வரவில்லை என இரக்கம் இன்றி திரும்பிப் போகச் சொன்னது அடுத்த வாரமாவது அவன் வருவானா... ? சுற்றி உள்ள எல்லாவற்றையும் உற்றுப் பார்த்தாள் அந்தப் பறவையைப்போலஎதுவும் ஆருடம் கூறவில்லை அவள் முகம் ஏமாற்றத்தை மறைக்க முயன்று தோற்றது நீண்ட அழுகைக்கான தேநீரை சோகத்துடன் தயாரித்தது தேநீரின் நறுமணம் அவனை அவள் அருகே அழைத்து வந்தது போல சூடாக இருந்தது!