தமிழ்நாட்டில் 10, 11 மற்றும் 12ஆம் வகுப்பு மாணவர்களுக்கான அரசு பொதுத் தேர்வுக்கான அட்டவணையை பள்ளி கல்வித்துறை அமைச்சர் அன்பில் மகேஸ் வெளியிட்டார்.
2024-25 கல்வியாண்டின் பொதுத் தேர்வு கால அட்டவணையை பள்ளிக்கல்வித் துறை அமைச்சர் அன்பில் மகேஸ் இன்று வெளியிட்டார். அதன்படி, 12ஆம் வகுப்பு மாணவர்களுக்கு செய்முறைத் தேர்வு பிப்ரவரி 7-ஆம் தேதி தொடங்கி பிப்ரவரி 14-ஆம் தேதி முடிவடைகிறது. 11-ஆம் வகுப்பு மாணவர்களுக்கான செய்முறைத் தேர்வு பிப்ரவரி 15-ஆம் தேதி தொடங்கி பிப்ரவரி 21-ஆம் தேதி முடிவடைகிறது. 10-ஆம் வகுப்பு மாணவர்களுக்கான செய்முறைத் தேர்வு பிப்ரவரி 22-ஆம் தொடங்கி 28- ஆம் தேதி முடிவடைகிறது.
12ஆம் வகுப்பு மாணவர்களுக்கு மார்ச் 3-ஆம் தேதி தொடங்கி 25-ஆம் தேதி அரசு தேர்வு நடைபெறுகிறது. அதேபோல் 10-ஆம் வகுப்பு மாணவர்களுக்கு மார்ச் 28-ஆம் தேதி தொடங்கி ஏப்ரல் 15-ஆம் தேதி முடிவடைகிறது. 11ஆம் வகுப்பு மாணவர்களுக்கு மார்ச் 5-ஆம் தேதி தொடங்கி மார்ச் 27-ஆம் தேதி முடிவடைகிறது.
அதேபோல், 12-ஆம் வகுப்பு மாணவர்களுக்கு மே 5-ஆம் தேதி தேர்வு முடிவுகள் வெளியிடப்படுகிறது. 10 மற்றும் 11-ஆம் வகுப்பு மாணவர்களுக்கு மே 19-ஆம் தேதி தேர்வு முடிவுகள் வெளியாகிறதாக அறிவிக்கப்பட்டுள்ளது.
