சென்னை, ஆக. 9- முல்லைப் பெரியாறு அணை பாது காப்பாக உள்ளதாகவும் அந்த அணை யிலிருந்து விதிகளின்படி தண்ணீர் திறந்து விடப்படுவதாகவும் அணைக்கு அருகில் வசிக்கும் கேரள மக்களின் பாதுகாப்பினை தமிழ்நாடு அரசு உறுதி செய்யும் எனவும்  தமிழ்நாடு முதல மைச்சர் மு.க.ஸ்டாலின் கூறியுள்ளார். கேரள முதலமைச்சரின் ஆகஸ்ட் 5ஆம் தேதி நாளிட்ட கடிதத்திற்கு அவர் அனுப்பியுள்ள பதில்  கடிதத்தில் கூறி யிருப்பதாவது: கடந்த 5.8.2022 தேதியிட்ட உங்கள் கடிதத்தில் முல்லைப் பெரியாறு அணை குறித்த கவலைகளை கூறி யிருந்தீர்கள். முல்லைப் பெரியாறு அணை அனைத்து வகையிலும் பாது காப்பானது என்றும், அணையின்  வெள்ளப்பெருக்கு விதிமுறைகளின் படி மேற்கொள்ளப்படுகிறது என்றும் உங்களுக்கும் கேரள மக்களுக்கும் உறுதியளிக்க விரும்புகிறேன். கேட் செயல்பாட்டு அட்டவணை பிப்ரவரி 2021இல் மத்திய நீர் ஆணையத்தால் அங்கீகரிக்கப்பட்டது. ஆகஸ்ட் முதல் வாரத்தில் கிடைத்த வரத்து மிதமானது. முல்லைப் பெரி யாறு அணையின் நீர்ப்பிடிப்புப் பகுதி களில் பெய்த மழை, அணையின் கீழ்  பகுதிகளில் பெய்த மழையை விட  ஒப்பீட்டளவில் குறைவாகவே இருந்  தது. அப்போதும் கூட, வைகைப் படு கையில் தண்ணீரை அதிகபட்சமாகத் திருப்பிவிடவும், வெள்ள ஒழுங்கு முறை நெறிமுறையின்படி, விதிமுறை கள் மற்றும் கேட் செயல்பாட்டு அட்ட வணையை கவனமாகப் பின்பற்ற வும் கள அலுவலர்களுக்கு அறிவுறுத்  தப்பட்டது.

இரவு 7 மணி நிலவரப்படி நீர்மட்டம்  136 அடியாக இருந்தது. 4.8.2022 அன்று  எங்கள் கள அலுவலர்கள், 5.8.2022 அன்று ஸ்பில்வே கேட் திறக்கும் சாத்தி யம் குறித்து, இரவு 7.40 மணிக்கு  கேரளாவில் உள்ள அதிகாரிகளுக்குத் தெரிவித்தனர். இது எதிர்கால வரவு களை எதிர்பார்த்து செய்யப்பட்டது.மேலும் இந்த தகவல் இடுக்கி மாவட்ட ஆட்சியர் மற்றும் கேரளாவில் உள்ள  மற்ற அதிகாரிகளுக்கும் அனுப்பப் பட்டது. ஸ்பில்வே ஷட்டர்கள் 5.8.2022 அன்று மதியம் 1 மணிக்கு திறக்கப் பட்டது. அப்போதிருந்து, திடீரென அதி கரித்த தண்ணீர் வரத்தை கருத்தில்  கொண்டு, கசிவுப்பாதை வெளியேற் றம் படிப்படியாக அதிகரிக்கப்பட்டது. 8.8.2022 காலை 7 மணி நிலவரப்படி, அணையின் நீர்மட்டம் 138.85 அடியாக வும், சராசரி நீர்வரத்து 6,942 கன அடி யாகவும், கசிவுநீர் வெளியேற்றம் சுமார் 5,000 கன அடியாகவும் உள்ளது.  இது அங்கீகரிக்கப்பட்ட விதிகளின்படி  செய்யப்படுகிறது. எனவே, முல்லைப் பெரியாறு அணையின் கீழ்பகுதியில் வசிக்கும்  மக்களின் பாதுகாப்பை உறுதி செய்வ தற்காக சரியான நேரத்தில் எடுக்க வேண்டிய முன்னெச்சரிக்கை நடவ டிக்கைகளில் எங்கள் அணை நிர்வாகக் குழு மிகுந்த கவனம் செலுத்துகிறது என்பதை மீண்டும் மீண்டும் வலி யுறுத்துகிறேன். அணையின் பொறுப்  பில் உள்ள அனைத்து அதிகாரி களுக்கும் தேவையான அனைத்து நட வடிக்கைகளையும் எடுக்கவும், உங்  கள் முடிவில் உள்ள அதிகாரிகளு டன் தொடர்ந்து தொடர்பு கொள்ளவும் போதுமான அளவு அறிவுறுத்தப் பட்டுள்ளது. இவ்வாறு அதில் கூறப்பட்டுள் ளது.