திருவனந்தபுரம்:
சட்டமன்றத் தேர்தலுக்குப் பிறகு மாநிலத்தில் கோவிட் விழிப்புணர்வை வலுப்படுத்த முடிவு எடுக்கப்பட்டுள்ளது. தேர்தல் பிரச்சாரத்தில் ஈடுபட்டவர்கள் பின்பற்ற வேண்டிய வழிமுறைகள் குறித்து மாவட்ட ஆட்சியர்களின் தலைமையில் கூட்டம் கூட்டப்பட்டது. பிரச்சாரகர்கள் மற்றும் வாக்குச்சாவடி முகவர்கள் கண்டிப்பான சுய கண்காணிப்பை மேற்கொள்ள வேண்டும் என வலியுறுத்தப்பட்டுள்ளது.

அறிகுறிகள் இருந்தால் ஆர்டிபிசிஆர் பரிசோதனை செய்யப்பட வேண்டும். ஒரு வாரம் அதிக எச்சரிக்கையுடன் இருக்க வேண்டும் என பரிந்துரைக்கப்பட்டுள்ளது. மாவட்ட பணிக்குழு கூட்டத்திற்குப் பிறகு, மாநிலத்தின் பல்வேறு பகுதிகளில் மக்கள் கூட்டம் ஏற்பட்டால்  அனைவரையும் பரிசோதிக்க வேண்டும் என்று ஆட்சியர்கள் கேட்டுக்கொண்டனர். அவர்கள் உடனடியாக அருகிலுள்ள ஆரம்ப சுகாதார நிலையம் அல்லது சுகாதார ஊழியரை தொடர்பு கொள்ள வேண்டும்.

இருமல், காய்ச்சல் அல்லது பிற வியாதிகளை உணருபவர்களை இரண்டு நாட்களுக்குள் பரிசோதிக்க வேண்டும். எஸ்எஸ்எல்சி தேர்வுக்கு செல்லும் மாணவர்களின் பெற்றோர் அல்லது உறவினர்களும் தேர்தல் பிரச்சாரத்தில் பங்கேற்றுள்ளார்களா என்பதை சரிபார்க்க வேண்டும். முடிவுகள் தெளிவாக இருக்கும் வரை மற்றவர்களுடன் தொடர்பு கொள்ள வேண்டாம். முடிவு எதிர்மறையாக இருந்தாலும், அறிகுறிகள் உள்ளவர்கள் மற்றவர்களிடமிருந்து விலகிஇருக்க வேண்டும். தேர்தல் பணிக்கு
நியமிக்கப்பட்ட அனைத்து ஊழியர்களும் தடுப்பூசியின் இரண்டாவது அளவைப் பெறுவது கட்டாயமாகும். தொண்டர்களுக்காக சிறப்பு ஆர்டிபிசிஆர் பரிசோதனையும் நடத்த முடிவு செய்யப்பட்டது.

கோவிட் பரவல் அதிகரித்து வரும் நிலையில், மாவட்டங்களில் கடுமையான விழிப்புணர்வு தொடங்கப்பட்டுள்ளது. நோய் பரவாமல் தடுக்க கூடுதல் முன்னெச்சரி க்கை நடவடிக்கைகளை எடுக்க பொதுமக் கள் தயாராக இருக்க வேண்டும். முகக்கவசம், சானிட்டைசர், தனிமனித இடைவெளி,பிரேக் தி செயின் நடைமுறைகளை பின்பற்றவேண்டும். கூட்ட நெரிசல் சூழ்நிலைகளை முடிந்தவரை தவிர்க்க வேண்டும். பெரியவர்களும் குழந்தைகளும் அத்தியாவசியங் களுக்காக மட்டுமே வெளியே செல்லவேண் டும். கோவிட் விதிமுறைகளை வலுப்படுத்த காவல்துறைக்கு அறிவுறுத்தப்பட்டுள்ளது.

மீண்டும் சோதனை
மற்ற மாநிலங்களில் இருந்து வருவோருக்கு ஏழு நாள் தனிமைப்படுத்தல் தொடரும். சோதனைகளின் எண்ணிக்கையை அதிகரிக்கவும் முடிவு செய்யப்பட்டது. கூடுதலாக, தடுப்பூசி தீவிரப்படுத்தப்படும். உள்ளாட்சி அமைப்புகளும், தன்னார்வ அமைப்புகளும் பாதுகாப்பில் ஈடுபடும். தலைமை செயலாளர் புதன்கிழமை கூட்டிய கோவிட் தடுப்பு உயர்மட்ட குழுவின் கூட்டத்தில் இந்த முடிவு எடுக்கப்பட்டுள்ளது.