தூர்தர்ஷன் தொலைக்காட்சி, பிரிவினைவாதத்தைத் தூண்டும் வகையில் அமைந்துள்ள 'தி கேரளா ஸ்டோரி' திரைப்படத்தை இன்று ஒளிபரப்புவதற்கு கேரள முதலமைச்சர் பினராயி விஜயன் கடும் கண்டனம் தெரிவித்துள்ளார்.
இது குறித்து அவர் தனது எக்ஸ் தளத்தில் கூறியதாவது:
"அரசின் தேசிய தொலைக்காட்சியை பாஜக - ஆர்.எஸ்.எஸ் கூட்டணியின் பிரசார இயந்திரமாக மாற்றக்கூடாது. பொதுத் தேர்தலுக்கு முன்னதாக வகுப்புவாத பதட்டங்களை அதிகப்படுத்தக்கூடிய இந்த திரைப்படம் திரையிடப்படுவதைக் கைவிட வேண்டும். வெறுப்பை விதைக்கும் இத்தகைய தீங்கிழைக்கும் முயற்சிகளை கேரளா உறுதியாக எதிர்க்கும்” இவ்வாறு அவர் தெரிவித்துள்ளார்.
