மேற்கு வங்கத்தில் வாக்காளர் பட்டியலில் இருந்து சுமார் 30 லட்சம் பெயர்கள் நீக்கப்படும் என இந்தியத் தேர்தல் ஆணையம் அறிவித்துள்ளது.
தமிழ்நாடு, கேரளம், புதுச்சேரி, மேற்கு வங்கம் உள்ளிட்ட 12 மாநிலங்கள் மற்றும் யூனியன் பிரதேசங்களில் அடுத்த ஆண்டும் சட்டமன்ற தேர்தல் நடைபெற உள்ள நிலையில், வாக்காளர் பட்டியல் சிறப்பு தீவிர திருத்தப் பணிகள் மேற்கொள்ளப்பட்டு வருகின்றது. இந்த நிலையில், வாக்காளர்கள் எஸ்.ஐ.ஆர் படிவம் வழங்குவதற்கான கடைசி நாள் டிச.4 என்று அறிக்கப்பட்டுள்ளது.
இந்த நிலையில், மேற்கு வங்கத்தில், வாக்காளர் பட்டியல் சிறப்பு தீவிர திருத்தப் பணிகள் (எஸ்ஐஆர்) மூலம் வாக்காளர் பட்டியலில் இருந்து சுமார் 30 லட்சம் பெயர்கள் நீக்கப்படும் என இந்தியத் தேர்தல் ஆணையம் அறிவித்துள்ளது.
இதில், 16 லட்சம் பேர் ஏற்கனவே உயிரிழந்தவர்கள், மீதியுள்ளவர்கள் அடையாளம் கண்டுபிடிக்க முடியாதவர்கள், நிரந்தரமாக பிற மாநிலங்களுக்கு இடம்பெயர்ந்தவர்கள் மற்றும் போலி வாக்காளர்கள் என தெரிவிக்கப்பட்டுள்ளது.
மேற்கு வங்கத்தில் இதுவரை 6.73 கோடி வாக்காளர்களின் விவரங்கள் டிஜிட்டல் வடிவில் பதிவு செய்யப்பட்டுள்ளன. இது மொத்தமுள்ள 7.66 கோடி வாக்காளர்களில் சுமார் 88% ஆகும்.
டிசம்பர் 9 அன்று வரைவு வாக்காளர் பட்டியல் வெளியிடப்படும் போது நீக்கப்பட்ட பெயர்களின் சரியான எண்ணிக்கை தெளிவாகும் என அதிகாரிகள் தெரிவித்துள்ளனர்.
