டாடா குழுமத்திடம் ரூ.758 கோடி நன்கொடையாக பெற்ற பாஜக ரூ.44,203 கோடி மக்கள் வரிப் பணத்தை மானியமாக வழங்கிய மோடி அரசு
மார்க்சிஸ்ட் கம்யூனிஸ்ட் கட்சி கடும் கண்டனம்
2024 பிப்ரவரி 29 அன்று 3 செமி கண்டக்டர் தொழிற்சாலைகளை அமைக்க ஆர்எஸ்எஸ் - பாஜக தலைமை யிலான ஒன்றிய மோடி அரசின் அமைச்சரவை ஒப்புதல் அளித்தது. இதில் பாஜக ஆளும் குஜராத் மற்றும் அசாம் மாநிலங்களில் தலா ஒரு செமிகண்டக்டர் ஆலை என, 2 ஆலைகள் அமைக்க “டாடா குழுமம்” அனுமதியைபெற்றது. இந்த ஒப்புதலுக்குப் பின் அடுத்த சில வாரங்களில் பாஜகவுக்கு ரூ.758 கோடியை நன்கொடையாக கொடுத்துள்ளது டாடா குழுமம். நன்கொடை கிடைத்த பின்பு, செமிகண்டக்டர் ஆலைக்காக ரூ.1.18 லட்சம் கோடி முதலீடு செய்த டாடா குழுமத்திற்கு ரூ.44,203 கோடி மானியமும் வழங்கியுள்ளது மோடி அரசு. மேலும் குஜராத், அசாம் மாநில பாஜக அரசுகளின் பல்வேறு சலுகைகளும் டாடா குழு மத்திற்கு கிடைத்துள்ளது. இந்த தகவல் 21 மாதங்களுக்குப் பிறகு தற்போது வெளியாகியுள்ளது. 2024 மக்களவைத் தேர்தலுக்கு முன்பு பாஜகவுக்கு மிகப்பெரிய நன்கொடை அளித்த ஒற்றை நிறு வனமாக டாடா குழுமம் மாறியுள் ளது. இந்த நன்கொடைக்கு முன்பு, அதாவது 2021 மற்றும் 2024க்கு இடையில் எந்தக் கட்சிக்கும் டாடா நன்கொடை அளிக்கவில்லை. செமிகண்டக்டர் தொழிற்சாலை களுக்காக பாஜகவிற்கு மட்டும் ரூ.758 கோடி நன்கொடை அளித்துள் ளது. டாடா போல தொழிற்சாலை அமைக்க ஒப்புதல் அளித்த சில வாரங்களுக்குள் மற்றொரு நிறு வனமான முருகப்பா குழுமம் பாஜக வுக்கு ரூ.125 கோடியை நன்கொடை யாக வழங்கியது என செய்திகள் வெளியாகியுள்ளன என்பது குறிப்பிடத்தக்கது. சிபிஎம் கண்டனம் டாடாவிடம் ரூ.758 கோடி நன் கொடை பெற்று, அரசு திட்டங்களை வாரி இறைத்தும், மக்கள் வரிப் பணத்தை மானியமாக வழங்கி யதற்கு மார்க்சிஸ்ட் கம்யூனிஸ்ட் கட்சி கடும் கண்டனம் தெரிவித்துள் ளது. இதுதொடர்பாக சிபிஎம் மத்தி யக்குழுவின் டுவிட்டர் எக்ஸ் பக்கத்தில், “பாஜக டாடாவிட மிருந்து ரூ.758 கோடியைப் பறித்து, பின்னர் ரூ.44,203 கோடி பொதுப் பணத்தை மானியமாக ஒப்ப டைக்கிறது. இதுதான் பாஜகவின் உண்மையான “இரட்டை இயந்திர செயல்பாடுள்ள அரசு” ஆகும். கார்ப்பரேட்டுகள் பாஜகவுக்கு நிதியளிக்கிறார்கள். பாஜக கார்ப்ப ரேட்டுகளுக்கு நிதியளிக்கிறது. இந்த வெளிப்படையான கார்ப்ப ரேட்-அரசியல் பகற்கொள்ளையை ஒழிக்க வேண்டும்” என அதில் கூறப்பட்டுள்ளது.