நாடு முழுவதும் ஒமிக்ரான் தொற்றின் தீவிரம் அதிகரித்து வருவதால் டெல்லியில் இன்று முதல் இரவு நேர ஊரடங்கு அமல்படுத்தப்படவுள்ளது. 

இதுதொடர்பாக அம்மாநில அரசு வெளியிடப்பட்ட அறிவிப்பில் இரவு 11 மணி முதல் அதிகாலை 5 மணி வரை ஊரடங்கு கட்டுப்பாடுகள் அமலில் இருக்கும் என தெரிவிக்கப்பட்டுள்ளது. அத்தியாவசிய தேவைகளுக்கு மட்டுமே பொதுமக்கள் வெளியே செல்ல அனுமதிக்கப்படுவார்கள். 

டெல்லியில் தொடர்ந்து 2 ஆவது நாளாக 200க்கும் மேற்பட்டோருக்கு கொரோனா பாதிப்பு கண்டறியப்பட்டுள்ள நிலையில், ஊரடங்கு கட்டுப்பாடுகள் விதிக்கப்பட்டுள்ளன. 

இதே போன்று கர்நாடகாவில் நாளை முதல் ஜனவரி 7 ஆம் தேதி வரை இரவு நேர ஊரடங்கு அமலில் இருக்கும் என அறிவிக்கப்பட்டுள்ளது. அங்கு, இரவு 10 மணி முதல் அதிகாலை 5 மணி வரை ஊரடங்கு கட்டுப்பாடுகள் விதிக்கப்பட்டுள்ளன. 

ஏற்கனவே, மத்திய பிரதேசம், உத்திர பிரதேசம், மாஹாராஷ்டிரா, ஹரியானா, குஜராத், அசாம், கர்நாடகா ஆகிய மாநிலங்களில் இரவு நேர ஊரடங்கு உத்தரவு பிறப்பிக்கப்பட்டுள்ளது குறிப்பிடத்தக்கது.