மத்திய தொகுப்பில் இருந்து தமிழகத்திற்கு ஒதுக்கப்பட்ட 5.56 லட்சம் கொரோனா தடுப்பூசிகள் ஜனவரி 12 அன்று விமானம் மூலம் சென்னைக்கு கொண்டு வரப்பட்டன. எந்தெந்த மாவட்டங்களுக்கு எவ்வளவு கொரோனா தடுப்பூசிகள் விநியோகம் குறித்த விவரமும் வெளியிடப்பட்டுள்ளது.
***************
கொரோனா தொற்று காரணமாக பொங்கல் விடுமுறை நாட்களான ஜனவரி 15,16,17 ஆகிய தேதிகளில், சுற்றுலாத் தலங்களில் பொதுமக்கள் கூடுவதற்குத் தடை விதித்து தமிழக அரசு உத்தரவிட்டுள்ளது.
***************
தமிழ்நாடு, கேரளா, அசாம், மேற்கு வங்கம் , புதுச்சேரியில் நடைபெற உள்ள சட்டமன்றத் தேர்தல் குறித்து செவ்வாயன்று மத்திய உள்துறை செயலாளர் அஜய் பல்லாவுடன் இந்திய தேர்தல் ஆணைய அதிகாரிகள் ஆலோசனை நடத்தினர்.
***************
நாடு முழுவதும் தங்கப் பரிசோதனை நிலையம் அமைக்கப்படும் என மத்திய நுகர்வோர் விவகாரங்கள் துறை அமைச்சர் ராவ்சாகிப் படேல் தன்வே தெரிவித்துள்ளார்.
***************
பொங்கல் பரிசு, ரொக்கத்தொகையை அரிசி ரேசன் அட்டைதாரர்கள் பெறாமல் விடுபடுவதைத் தவிர்க்க, அவற்றை விநியோகம் செய்யும் கால அவகாசத்தை 25 ஆம் தேதிவரை நீட்டித்து தமிழக அரசு உத்தரவிட்டுள்ளது.
***************
தமிழகத்திலுள்ள அனைத்து பல்கலைக்கழகங்களும் அரியர் தேர்வு நடத்துவது தொடர்பான தேர்வு அட்டவணையை பிப்ரவரி 4 ஆம் தேதி தாக்கல் செய்ய வேண்டும் என்று உயர்நீதிமன்றம் உத்தரவிட்டுள்ளது.
***************
ஏரிகளில் இருந்து உபரிநீர் வீணாக கடலில் கலப்பதால் தண்ணீர் திறப்பை நிறுத்த ஆந்திர அரசுக்கு, தமிழக அதிகாரிகள் கடிதம் எழுதிய நிலையில், கண்டலேறு அணையில் இருந்து பூண்டி ஏரிக்கு தண்ணீர் திறப்பு வினாடிக்கு 500 கனஅடியாக குறைக்கப்பட்டுள்ளது.
***************
தில்லியில் புதிய நாடாளுமன்றம் கட்டுவதற்கு பாரம்பரிய குழு ஒப்புதல் அளித்துள்ளதை அடுத்து கட்டுமானப்பணிகள் விரைவில் தொடங்க உள்ளது.
***************
அந்நியச் செலாவணி சந்தையில் நடைபெற்ற வர்த்தகத்தில் அமெரிக்க டாலருக்கு நிகரான ரூபாயின் மதிப்பு 16 காசுகள் சரிவைக் கண்டது.
***************
அறிவிப்பைத் தொடர்ந்து இதுவரை 40 லட்சம் புதிய பதிவிறக்கங்களை சிக்னல் மற்றும் டெலிகிராம் பெற்றுள்ளது.
***************
அமெரிக்க ஜனாதிபதி டிரம்ப்பை பதவி நீக்கம் செய்யும் நடவடிக்கைகள் தொடங்கப்பட்டுள்ளன. அதுதொடர்பான தீர்மானத்தை பிரதிநிதிகள் சபையில் அதன் தலைவர் நான்சி பெலோசி தாக்கல் செய்யவுள்ளார்.