இந்தியாவில் 2019 ஆம் ஆண்டில் 32 ஆயிரத்து 033 பாலியல் வன்கொடுமை சம்பவங்கள் நிகழ்ந்துள்ளதாக மத்திய உள்துறை அமைச்சகம் மாநிலங்களவையில் தெரிவித்துள்ளது. 28,918 கொலை, 1.05 லட்சம் கடத்தல் சம்பவங்களும் நிகழ்ந்துள்ளதாகவும் தெரிவித்து உள்ளது.
***************
சிறப்பு டிஜிபி ராஜேஷ் தாஸ் மீது பாலியல் துன்புறுத்தல் புகார் கொடுக்கச் சென்ற பெண் எஸ்.பி.யை தடுத்த காவல் ஆய்வாளர் மற்றும் 19 காவலர்கள் கூண்டோடு காஞ்சிபுரம் மாவட்டத்திற்கு இடமாற்றம் செய்யப்பட்டனர்.
***************
3 நாட்களுக்கு முன் சம்பந்தப்பட்ட தொகுதியில் வாக்களிக்க ஏதுவாக வாக்குச்சாவடி அறிவிக்கக் கோரி தொடரப்பட்ட வழக்கில் ,அரசு ஊழியர், ஆசிரியர்களுக்கு ஜனநாயகம் வழங்கிய முக்கிய அடிப்படை உரிமையான வாக்குரிமையை மறுக்கக்கூடாது என்று சென்னை உயர்நீதி மன்றம் அறிவுறுத்தியுள்ளது.
***************
இந்திய விண்வெளி ஆய்வு மையமான இஸ்ரோ, பூமியின் மேற்பகுதியை மிகத் துல்லியமாக படம் பிடிக்கும் திறன் உள்ள, ‘எஸ்.ஏ.ஆர்., ரேடார்” சாதனத்தை தயாரித்துள்ளது.
***************
உத்தரப்பிரதேச மாநிலம் அயோத்தியில் விமான நிலையம் கட்டுவதற்கு 242 கோடி ரூபாய் ஒதுக்கீடு செய்து, அதற்கான ஒப்புதலை விமானநிலைய ஒழுங்குமுறை ஆணையம் வழங்கியுள்ளது.
***************
சிறு, குறு மற்றும் நடுத்தர வர்த்தக நிறுவனங்களுக்கு வங்கிகள் மூலம் 2 லட்சத்து 46 ஆயிரம் கோடி கடன் வழங்கப்பட்டுள்ளதாக மத்திய நிதித்துறை இணை அமைச்சர் அனுராக் தாக்கூர் தெரிவித்துள்ளார்.
***************
தமிழகத்தில் அடுத்த 4 நாட்களுக்கு மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.
***************
பெட்ரோல் லிட்டருக்கு 93.11 ரூபாய், டீசல் லிட்டருக்கு 86.45 ரூபாய் என விலை நிர்ணயம் செய்யப்பட்டுள்ளது.
***************
வாக்குப்பதிவு இயந்திரங்கள் வைக்கப்படும் பகுதியில் ஜாமர்கள் வைக்க வேண்டும் என்று தில்லியில் தலைமை தேர்தல் ஆணையத்திடம் திருச்சி சிவா உள்ளிட்ட எம்.பி.க்கள் கோரிக்கை விடுத்துள்ளனர். தபால் வாக்குகள் VVPAT-ல் பதிவாகும் 50 சதவீத வாக்குகளை எண்ணவேண்டும் என்றும் வலியுறுத்தியுள்ள னர்.