திருவனந்தபுரம்:
கேரளத்தின் அனைத்து பகுதிகளிலும் கோவிட் பரவியிருந்தாலும், வட மாநிலங்களைப் போல கேரளம் பீதியில் இல்லை என்று முதல்வர் பினராயி விஜயன்தெரிவித்துள்ளார்.

இதுகுறித்து அவர் செய்தியாளர் கூட்டத்தில் மேலும் கூறியதாவது:தற்போது ஏற்பட்டுள்ள இந்த நெருக்கடியை விழிப்புடன் இருந்து சமாளிக்க முடியும். ஆனால் பல ஆதாரமற்ற செய்திகள்சமூக ஊடகங்களில் பரவி வருகின்றன, அவை மக்கள் மத்தியில் பீதியை ஏற்படுத்துகின்றன. இதற்கு எதிராகவும் கவனமாக இருக்க வேண்டும். இதுபோன்ற பிரச்சாரங்களை மேற்கொள்பவர்கள் மீது சட்ட நடவடிக்கை எடுக்கப்படும். கோவிட் தொடர்பான பிரச்சனைகளைப் புரிந்துகொள்ள சுகாதாரத் துறை மற்றும் அதிகாரபூர்வமான அமைப்புகள் வழங்கும் தகவல் களைத்தான் நம்ப வேண்டும்.கோவிட் முதல் அலையை எதிர்கொள்ள கடைப்பிடிக்கப்பட்ட அடிப்படைகொள்கைகளுக்கு நாம் வலுவாகத் திரும்ப வேண்டும். முககவசத்தை சரியாக அணியத் தவறாதீர்கள், உங்கள் கைகளை சுத்தமாக வைத்திருங்கள், கூட்டம் தவிர்க்கப்பட வேண்டும். நெருக்கமான இடங்களில் சந்திப்புகளையும், நெருங்கிய தொடர்பையும் தவிர்க்க வேண்டும். ஒப்பீட்டளவில் நல்ல நிர்வாகத்தின் காரணமாக, நாட்டின் பிற பகுதிகளை விட கேரளத்தில் இந்த நோய் பரவுவது குறைவாக உள்ளது. இறப்புகளும் அதிகம் இல்லை.இந்த விஷயத்தில் சுயமான கவனம் செலுத்துவதில் இப்போது சிறிய குறைபாடுகள் உள்ளன. காவல்துறையோ அல்லது பிற அரசு நிறுவனங்களோ தலையிடவில்லை என்பது போல் தோன்றும் கருத்துஉள்ளவர்கள், அதை சரிசெய்ய வேண்டும். நமக்கும் நம்மைச் சுற்றியுள்ளவர்களுக்கும் இந்த நோய் தொற்ற அனுமதிக்கக்கூடாது என்பதில் நாம் உறுதியாக இருக்க வேண்டும். இந்த வகையில்
நாம் முடிவு செய்யாவிட்டால், நம் நாடு ஒருமோசமான சூழ்நிலைக்கு தள்ளப்படலாம்.

எந்த நேரத்திலும் வெடிக்கக்கூடிய ஒரு எரிமலையின் மீது அமர்ந்திருக்கிறோம் என்பதை நாம் புரிந்து கொள்ள வேண்டும். அரசாங்கம் விதித்துள்ள கட்டுப்பாடுகளை இயந்திரத்தனமாக கீழ்ப்படிவதற்கு பதிலாக, அனைவரும் அவற்றைசுயமாக பின்பற்றுமாறு நாம் கூற வேண்டும். ஒத்திவைக்கப்பட்ட நிகழ்வுகள்குறைந்தது ஒரு மாதத்திற்கு பிறகு நடத்ததிட்டமிடலாம். அரசாங்கத்தால் அனுமதிக்கப்பட்ட அதிகபட்ச மக்கள் எண் ணிக்கை 75 ஆக இருந்தால், அதை மேலும்குறைக்க முயற்சிக்கலாம்.யாருடைய நிர்ப்பந்தத்திற்கும் அடிபணிவதற்குப் பதிலாக அல்லது பிற செயல்களுக்கு அஞ்சுவதற்குப் பதிலாக, நிலைமையை சமாளிக்க அனைவரும் தயாராக இருக்க வேண்டும். இது அனைவரின் பொறுப்பாகும். “இல்லையெனில், நோய் பரவுவது நாம் நினைப்பதை விடவேகமாக இருக்கும், அது நமது சுகாதார அமைப்பின் கட்டமைப்புத் திறனைத் தாண்டிவிடும்” என்று முதல்வர் கூறினார்.