மகளிருக்கான ஆசிய சாம்பியன்ஸ் கோப்பை ஹாக்கி போட்டியில் இந்தியா தனது முதல் ஆட்டத்தில் மலேசியாவை வீழ்த்தி வெற்றி பெற்றது.
மகளிருக்கான 8ஆவது ஆசிய சாம்பியன்ஸ் கோப்பை ஹாக்கி போட்டி, பீகாரில் திங்கள்கிழமை தொடங்கியது. முதல் நாளில் நடைபெற்ற 3 ஆட்டங்களில் கடைசியாக இந்தியா - மலேசியா அணிகள் மோதின. நடப்பு சாம்பியனான இந்தியா தொடக்கம் முதலே ஆதிக்கம் செலுத்தியதால், ஆட்டத்தை எதிர்கொள்ள முடியாத மலேசியா திணறியது. தொடர்ந்து தனது சிறப்பான ஆட்டத்தை வெளிப்படுத்திய இந்தியா, மலேசியாவை கோல் எதுவும் அடிக்கவிடாமல், முடிவில் 4 க்கு 0 என்ற கோல் கணக்கில் இந்தியா அபார வெற்றி பெற்றது.
இந்திய அணி அடுத்த ஆட்டத்தில் தென்கொரியாவை செவ்வாய்க்கிழமை (நவ.12) சந்திக்கிறது. அதே நாளில், தாய்லாந்து ஜப்பானையும், சீனா - மலேசியாவையும் எதிர்கொள்கின்றன.