இந்தியா - தென் ஆப்பிரிக்கா இடையேயான முதல் டி20 போட்டி இன்று தொடங்குகிறது.
தென் ஆப்பிரிக்காவுக்கு சுற்றுப்பயணம் மேற்கொண்டுள்ள இந்திய கிரிக்கெட் அணி 4 போட்டிகள் கொண்ட டி20 தொடரில் விளையாடுகிறது. இதன்படி இவ்விரு அணிகளுக்கு இடையிலான முதலாவது டி20 போட்டி டர்பனில் இன்று (வெள்ளிக்கிழமை) தொடங்குகிறது.
சமீபத்தில் நியூசிலாந்திடம் டெஸ்ட் தொடரில் பெற்ற படுதோல்விக்கு பிறகு இந்தியா விளையாடும் முதல் சர்வதேச தொடர் இது. இது முற்றிலும் வேறு அணி என்றாலும், படுதோல்வியால் துவண்டு கிடக்கும் இந்திய ரசிகர்களுக்கு புத்துணர்ச்சி அளிக்க, இத்தொடரை வெல்வது அவசியம்.
இந்திய அணியை பொறுத்தவரை கேப்டன் சூர்யகுமார் யாதவ், ஹர்திக் பாண்ட்யா, அக்ஷர் பட்டேல், சஞ்சு சாம்சன், அர்ஷ்தீப்சிங் போன்ற அனுபவ வீரர்கள் அணிக்கு நம்பிக்கை அளிக்கிறார்கள். தென் ஆப்பிரிக்க அணியில் ஹென்ரிச் கிளாசென், டேவிட் மில்லர், ரீசாஹென்ரிக்ஸ் ஆகியோர் அணிவகுத்து நிற்கின்றனர். இதனால் விறுவிறுப்புக்கு பஞ்சம் இருக்காது.
தொடர்ந்து 2, 3 மற்றும் 4வது ஆட்டங்கள் முறையே நவ.10, 13, 15 தேதிகளில் நடக்க உள்ளன.