மதுரை, ஏப்.11- மதுரை அரசு போக்குவரத்துத் தொழிலாளர்கள் சார்பில் ஓய்வு பெற்ற தொழிலாளர்களின் ஓய்வூதிய கால பலன்களை பெற அவர்களின் உரிமைகளை பாதுகாக்க தமிழ்நாடு அரசு போக்குவரத்துக்கழக ஓய்வு பெற்ற தொழிலாளர்கள் நலச்சங்கம் அமைப்பு பேரவை செவ்வாய்க்கிழ மையன்று பழங்காநத்தம் வசந்த நகர் அருகில் உள்ள மகாலில் நடை பெற்றது. பேரவைக்கு கே. நாகரத்தினம் தலைமை வகித்தார். பி. லோக நாதன், கே. சின்னன் பிள்ளை மற்றும் அரசு போக்குவரத்து மதுரை தொழி லாளர் சங்க தலைவர் பி. எம். அழ கர்சாமி, பொதுச் செயலாளர் ஏ. கனகசுந்தர், அரசு விரைவு போக்கு வரத்து ஓய்வூதியர் என். மகாலிங்கம், ஆர்.நாகராஜன் ஆகியோர் வாழ்த் திப் பேசினர். சிகப்பு நிறத்தில் (RWWU) என்ற கொடி அறிமுகப் படுத்தப்பட்டது. பேரவையில், தலைவராக எஸ். அழகர், பொதுச் செயலாளராக ஆர். வாசுதேவன், பொருளாளராக எஸ். ரவி, துணைத் தலைவர்களாக வீ. பிச்சை, ஜி. ராஜேந்திரன், துணைப் பொதுச்செயலாளர்களாக கே. நாக ரத்தினம், வீ. செல்வம், எஸ். வி. சுப்பிர மணியன், எஸ். ரவிசங்கர், துணைச் செயலாளர்களாக எஸ். அழகர்சாமி, பி.கமலகந்தராஜன் ஆகியோர் தேர்வு செய்யப்பட்டனர்.
அரசு போக்குவரத்துக்கழகத் தில் ஓய்வு பெறும் தொழிலாளர் களுக்கு ஓய்வூதியப்பலன்களை வழங்குவதற்கு என்று நிதித்துறை செயலர் பென்ஷன் டிரஸ்ட் என்று உருவாக்கப்பட்டதை திரும்பப் பெற்று அரசு பட்ஜெட்டில் அரசு போக்குவரத்து ஓய்வூதியர்களுக்கு பென்ஷன் வழங்குவதற்கான நிதி யினை ஒதுக்கீடு செய்ய வேண்டும். பணி ஓய்வு பெறும் அன்றே பணப் பலன்களை வழங்க வேண்டும்.ஓய்வூதியம் மற்றும் குடும்ப ஓய்வூ தியம் பெறும் 85 ஆயிரம் குடும்பங்க ளுக்கு மருத்துவ காப்பீடு திட்டத்தை உடனடியாக அமல்படுத்த வேண் டும். அரசு போக்குவரத்து கழக மதுரை நிர்வாக போக்குவரத்து தொழிலாளர் ஓய்வூதிய நல நிதி நிலுவைகளை உடனடியாக வழங்க வேண்டும். அரசு போக்குவரத்து வழித் தடங்களில் தனியார்மய போக்கை அரசு கைவிட வேண்டும் பணிநியமனத்தில் அவுட்டோர் சிங் முறையை அரசு கைவிட வேண்டும் என்று வலியுறுத்தி தீர்மானங்கள் நிறைவேற்றப்பட்டன.