தனியார்துறை வேலைவாய்ப்பு முகாம்

புதுக்கோட்டை, ஜன.13-  வேலைவாய்ப்பு தேடும் இளைஞர்களை தனியார் துறைகளில் பணிய மர்த்தம் செய்யும் நோக்கத்தோடு தனியார் துறை வேலைவாய்ப்பு முகாம்  ஜனவரி 20 அன்று புதுக்கோட்டை மாவட்ட வேலைவாய்ப்பு மற்றும் தொழில் நெறி வழிகாட்டும் மையத்தில் காலை 10 மணி முதல் நடைபெற உள்ளது. முகாமில் 10-ஆம் வகுப்பு முதல் பட்டப்படிப்பு மற்றும் ஐ.டி.ஐ, டிப்ளமோ  போன்ற கல்வித்தகுதியுடைய 18 முதல் 35 வயதிற்குட்பட்ட வேலைநாடும் இளைஞர்கள் மற்றும் மாற்றுத்திறனாளி இளைஞர்கள் தங்களது சுய விவர குறிப்பு, ஆதார் அட்டை மற்றும் கல்விச்சான்று நகல்களுடன் கலந்து  கொள்ளலாம். மேலும், விவரங்களுக்கு www.tnprivatejobs.tn.gov.in என்ற இணையதளத்தை அணுகலாம் என மாவட்ட ஆட்சியர் கவிதா ராமு  தெரிவித்துள்ளார்.