தீக்கதிர்

மிஷா நாவலுக்கு தடைகேட்ட வழக்கு தள்ளுபடி

திருவனந்தபுரம்,
மிஷா நாவலுக்கு தடை கேட்ட வழக்கை தள்ளுபடி செய்து உச்சநீதிமன்றம் உத்தரவிட்டுள்ளது.
கேரள எழுத்தாளர் எஸ்.ஹரேஷ்  எழுதிய நாவல் மீஷா. இந்த நாவல்  பெண்கள் மற்றும் இந்துமதத்தை அவமதித்ததாக கூறப்பட்டது. மீஷா நாவல் மாத்ரு பூமி  செய்தி  பத்திரிகையில் தொடராக வெளிவந்தது. இந்துத்துவ அமைப்புகளின் அச்சுறுத்தலால்  இந்த ஆண்டு ஜூலையில் எஸ்.ஹரேஷ் தனது நாவலான மீஷாவைத் திரும்பப் பெற முடிவு செய்தார்.

நான் மிஷா நாவலுக்காக  ஐந்து ஆண்டுகள் வேலை செய்து உள்ளேன். ஆனால் என் நாவலைத் திரும்பப் பெற நான் முடிவு செய்திருக்கிறேன். ஏனெனில் எனக்கு மற்றும் என் குடும்பத்திற்கு எதிரான அச்சுறுத்தல்கள் மற்றும் தாக்குதல்கள் வருகின்றன.
இந்த நிலையில் உச்ச நீதிமன்றத்தில்  ராதாகிருஷ்ணன் என்பவர் சார்பில்  ஒரு மனு தாக்கல் செய்யப்பட்டது. அவர் முதலில் நாவலை முற்றிலும் தடை செய்யும்படி கேட்டுக்கொண்டார். ஆனால் பின்னர்,  குற்றச்சாட்டிற்குரிய  பகுதிகளை மட்டும் நீக்க உத்தரவிடும்படி  கேட்டார்.

இந்த மனுவை  தலைமை நீதிபதி தீபக் மிஸ்ரா தலைமையிலான 3 நீதிபதிகள் கொண்ட பெஞ்ச் விசாரித்தது. அப்போது நீதிமன்றம் எழுத்தாளர்கள் தங்களது கற்பனையில்  தோன்றுவதை சுதந்திரமாக எழுதுவதை அனுமதிக்க வேண்டும். எழுத்தாளர்களின் கற்பனை இவ்வாறுதான் இருக்க வேண்டும் என யாராலும் கட்டமைத்து கூற முடியாது. இதனால்  மலையாள நாவல் மீஷாவுக்கு தடை கேட்ட மனுவை உச்ச நீதிமன்றம் தள்ளுபடி செய்து உள்ளது.