தில்லி,
ஆசிய ஜூனியர் குத்துச்சண்டை சாம்பியன்ஷிப் போட்டியில் 5 இந்திய வீராங்கனைகள் அரையிறுதிக்கு சென்றுள்ளனர்.

தாய்லாந்தின் பாங்காக் நகரில் ஆசிய ஜூனியர் குத்துச்சண்டை சாம்பியன்ஷிப் போட்டிகள் நடைபெற்று வருகிறது. 9 பிரிவுகளில் நடக்கும் இந்த போட்டியில் ஒவ்வொரு பிரிவிலும் முதல் 4 இடங்களைப் பிடிப்பவர்கள் ஜூனியர் ஒலிம்பிக் போட்டிக்குத் தகுதி பெறுவார்கள்.
இந்நிலையில், மகளிருக்கான காலிறுதியில் 51 கிலோ எடைப் பிரிவில் இந்தியாவின் அனாமிகா, மங்கோலியாவின் மன்குசரன் பால்சானை வீழ்த்தினார்.

75 கிலோ எடைப் பிரிவில் இந்தியாவின் ஆஸ்தா பவா, சீனாவின் ஜியு வாங்கையும், 69 கிலோ எடை பிரிவில் இந்தியாவின் லலிதா, வியத்நாமின் தி கியாங் டிரானையும் தோற்கடித்தனர்.
54 கிலோ எடைப் பிரிவில் இந்தியாவின் திவ்யா பவார், சீனாவின் ஜியுகிங் காவுக்கு எதிரான காலிறுதியில் வெற்றி கண்டார். 48 கிலோ எடை பிரிவில் சீனாவின் ஜிஃபெய் ஹுவ் இந்தியாவின் நீது கங்காஸிடம் தோல்வியைத் தழுவினார்.  இதன் மூலம் 5 இந்திய வீராங்கனைகள் அரையிறுதிக்கு முன்னேறி அசத்தியுள்ளனர்.

Leave a Reply

You must be logged in to post a comment.