கூகுள் நிறுவனம் லட்சக்கணக்கான புத்தகங்களுடன் உரையாடும் புதிய வசதியை அறிமுகம் செய்துள்ளது.

கூகுள் நிறுவனம் கூகுள் ப்ளே புக்ஸ் (Google Play Books) என்ற பெயரில் மின்னூல்களை விற்பனை செய்து வருகிறது. இதில் தமிழ் உள்ளிட்ட புத்தகங்கள் பற்றிய தகவல்கள் அடங்கியுள்ளன.


இந்நிலையில், புத்தகங்களில் உள்ள தகவல்களை கேள்வி கேட்டுப் பெறும் ‘டாக் டூ புக்ஸ்’ (Talk to Books) என்ற புதிய வசதியை கூகுள் அறிமுகம் செய்துள்ளது. கூகுள் புக்ஸ் இணையதளத்தின் அங்கமாக அறிமுகமாகியுள்ள இதற்கான புதிய இணையப் பக்கத்தில் ( https://books.google.com/talktobooks/ ) , ஒரு கேள்வியை குறிப்பிட்டுத் தேடினால் ஆயிரக்கணக்கான புத்தகங்களிலிருந்து அதற்கான பதிலைப் அறியலாம்.

சில வார்த்தைகளை மட்டும் பயன்படுத்தித் தேடுவதைவிட கேள்விகளாக கேட்டால் சரியான விடைகளை இந்த தேடுபொறி அளிக்கும். காரணம், செயற்கை நுண்ணறிவுத் தொழில்நுட்பம் மூலம் மனிதர்களின் உரையாடலைப் புரிந்துகொள்ளும் வகையில் இந்த வசதி உருவாக்கப்பட்டிருக்கிறது.

குறிப்பு மாதிரிக்கு சில கேள்விகள் இந்த இணையதளத்தில் உள்ளன. அவற்றை முயற்சி செய்து பார்த்து அதற்குக் கிடைக்கும் விடைப் பார்த்துவிட்டு, நீங்களே உங்களுக்கு விருப்பமான கேள்வியைக் கேட்டு விடையைப் பார்க்கலாம். என்றும் கூகுள் நிறுவனம் கூறியுள்ளது.

Leave a Reply

You must be logged in to post a comment.