சென்னை;
ஜெயலலிதா சிகிச்சைக்காக மருத்துவமனையில் அனுமதிக்கப்பட்டிருந்த போது, காவிரி விவகாரம் உள்ளிட்ட முக்கிய பிரச்சனைகள் தொடர்பாக அதிகாரிகளுடன் ஆலோசனை நடத்தியதாக ஆர்.டி.ஐ. அளித்த தகவலில் தெரிவிக்கப்பட்டுள்ளது.ஜெயலலிதாவின் மரணம் மற்றும் அவருக்கு அளிக்கப்பட்ட சிகிச்சை தொடர்பாக பல்வேறு சந்தேகங்களும் சர்ச்சைகளும் எழுந்துள்ள நிலையில், இதுதொடர்பாக சமூக ஆர்வலர் நரசிம்ம மூர்த்தி தகவல் அறியும் உரிமைச் சட்டத்தின்கீழ் (ஆர்டிஐ) பல்வேறு கேள்விகளை எழுப்பி விளக்கம் பெற்றுள்ளார்.

அவருக்கு தகவல் ஆணையம் அனுப்பிய விளக்கத்தில், ஜெயலலிதா மருத்துவமனையில் சிகிச்சை பெற்ற போது காவிரி விவகாரம் உள்ளிட்ட முக்கிய பிரச்சனைகள் குறித்து அரசு உயர் அதிகாரிகளுடன் ஆலோசனை நடத்தினார் தெரிவிக்கப்பட்டுள்ளது.

மேலும், ஜெயலலிதாவுக்கு பொருத்தப்பட்டிருந்த எக்மோ கருவி அகற்றப்படுவதற்கு முன்பாக இதுதொடர்பாக சசிகலா, ஓ.பன்னீர்செல்வம் உள்ளிட்ட முக்கிய அமைச்சர்களுக்கு தகவல் அனுப்பப்பட்டது. ஜெயலலிதாவை மருத்துவமனையில் அனுமதிப்பதற்கு முன்னதாக அவருக்கு தவறான மருந்துகள் தரப்பட்டதாக கூறுவது அவதுறான தகவல். ஜெயலலிதாவின் மருத்துவச் செலவுக்காக அரசு சார்பில் பணம் எதுவும் செலவிடப்படவில்லை என்றும் ஆர்டிஐ விளக்கத்தில் தெரிவிக்கப்பட்டு உள்ளது.

பிரதாப் சி ரெட்டி பேட்டி
ஜெயலலிதா மரணம் தொடர்பான தமிழக அரசின் விசாரணை ஆணையத்தை வரவேற்பதாகவும், விசாரணைக்கு முழு ஒத்துழைப்பு அளிப்போம் என்றும் அப்பல்லோ மருத்துவமனை தலைவர் பிரதாப் ரெட்டி தெரிவித்துள்ளார்.

ஜெயலலிதாவுக்கு தரப்பட்ட மருத்துவ சிகிச்சை விவரங்கள், அவரை யார் யார், சந்தித்தார்கள்? என்பன போன்ற விவரங்களும் தங்களிடம் உள்ளதாகவும் அவர் கூறியுள்ளார்.

Leave A Reply

%d bloggers like this: