பொருளாதாரம்

img

பொருளாதார வளர்ச்சி 11 ஆண்டுகளில் இல்லாத சரிவை கண்டுள்ளது

இந்திய பொருளாதார வளர்ச்சி கடந்த 11 ஆண்டுகளில் இல்லாத சரிவை கண்டுள்ளது என மத்திய புள்ளியல் துறை  தெரிவித்துள்ளது.
மோடி அரசின் பணமதிப்பிழப்பு ஜிஎஸ்டி உள்ளிட்ட தவறான பொருளாதார கொள்கையின் விளைவாக கடந்த  2018-19-ஆம் நிதியாண்டில் இந்தியாவின் வளர்ச்சி 6.1 சதவிகிதமாக இருந்தது. இது 2019-20-ஆம் நிதியாண்டின் மொத்த உள்நாட்டு உற்பத்தி 4.2 சதவிகிதமாக குறைந்துள்ளது. தற்போது கொரோனா வைரஸ் பாதிப்பு காரணமாக, மொத்த உள்நாட்டு உற்பத்தியில் கடும் சரிவு ஏற்பட்டுள்ளது

இந்நிலையில் இந்திய பொருளாதார வளர்ச்சி கடந்த 44 காலாண்டுகளில் அதாவது 11 ஆண்டுகளில் இல்லாத சரிவை கண்டுள்ளது.  ஏப்ரல் முதல் ஜூன் வரையிலான காலாண்டில், மொத்த உள்நாட்டு உற்பத்தியின் சரிவு இன்னும் அதிகரிக்கும் என்றும் எதிர்பார்க்கப்படுகிறது என மத்திய புள்ளியல் துறை தெரிவித்துள்ளது.  மேலும் ஏப்ரல் முதல் ஜூன் வரையிலான காலாண்டிற்கான முடிவுகள் வரும் போது தான் இந்தியாவில் கொரோனா ஏற்படுத்திய தாக்கம் முழுமையாக தெரியும் என்று தெரிவிக்கப்பட்டுள்ளது.
விவசாயத்தை அடுத்து  இரண்டாவது பெரிய துறையான கட்டுமானத் துறை மார்ச் மாதத்துடன் முடிவடைந்த மூன்று மாதங்களில் இரண்டாவது காலாண்டில் 2.2% ஆக சரிவடைந்தது. நகரங்களில் இருந்து புலம் பெயர்ந்த தொழிலாளர்கள் சொந்த மாநிலங்களுக்கு சென்றதால்  ஜூன் காலாண்டில் கட்டுமான நடவடிக்கைகள் மேலும் கடுமையாக  பாதிக்கப்படும்.   சிமெண்ட் மற்றும் எஃகு உற்பத்தி முறையே 86 சதவீதம் மற்றும் 83.9 சதவீதமாக ஆக சரிவடைந்தது.  மின்சாரம் மற்றும் நிலக்கரி உற்பத்தி முறையே 22.8 சதவீதம்  மற்றும் 15.5 சதவீதம்  சரிவடைந்தது. இந்தியாவின் உற்பத்தி கொள்முதல் மேலாளர்களின் குறியீடு, அல்லது பி.எம்.ஐ, ஏப்ரல் 27.4 ஆக மிகக் குறைந்த அளவிற்கு சரிந்தது,  இதைத்தொடர்ந்து வர்த்தக ஏற்றுமதியும் 60 சதவீதம் சரிவடைந்தது தெரியவந்துள்ளது. 

;