இணையம்

img

’வைஃபை ஃபைன்டர்’ மூலம் 20 லட்சம் வைஃபை பாஸ்வேட்கள் திருட்டு!

வைஃபை ஃபைன்டர் என்ற மொபைல் ஆப் மூலம் ஹாட்ஸ்பாட்டை ஹேக் செய்து 20 லட்சம் பாஸ்வேட்கள் கசிந்துள்ளதாக தகவல் வெளியாகியுள்ளது. 

அருகில் உள்ள வைஃபை ஹாட்ஸ்பாட்களை கண்டுபிடிக்க உதவும் பிரபல மொபைல் அப்ளிகேஷன்களில் ஒன்று வைஃபை ஃபைன்டர் (WiFi Finder). உலகம் முழுவதும் ஒரு லட்சத்துக்கு அதிகமானவர்கள் இந்த அப்ளிகேஷனை பயன்படுத்துகிறார்கள்.

இந்த ஆண்ட்ராய்டு மொபைல் ஆப் நிறுவனம் பல்வேறு நாடுகளில் உள்ள சுமார் 20 லட்சம் வைஃபை ஹாட்ஸ்பாட் பாஸ்வேட்களை ஹேக் செய்து தனது பயனாளர்களுக்கு வழங்கியுள்ளது. 

வைஃபை ஃபைன்டரின் டேட்டாபேஸில் தற்போது 20 லட்சம் ஹாட்ஸ்பாட்களுடைய பெயர், இடம் மற்றும் பாஸ்வேட் உள்ளிட்ட பல தகவல்கள் இருக்கின்றன.

இதனை சன்யாம் ஜெயின் என்ற இணைய பாதுகாப்பு ஆராய்ச்சியாளர் கண்டுபிடித்துள்ளார். இது குறித்து புகார் அளிக்க அந்நிறுவனத்தைத் தொடர்புகொள்ள முயன்றுள்ளார். ஆனால் தொடர்பு கிடைக்காத நிலையில், அந்த அப்ளிகேஷனை பிளே ஸ்டோரில் வெளியிட்டிருக்கும் டிஜிட்டல் ஓஷன் (Digital ocean) நிறுவனத்தைத் தொடர்புகொண்டுள்ளார். அவரது புகாரைக் கேட்டதும் அந்நிறுவனத்தினர் டேட்டாபேஸை அவர் மீண்டும் பார்க்க முடியாதபடி செய்துள்ளனர்.


;